RUS
SMARTNEWS.KZ basylymynyń habarlaýynsha, 16 naýryz kúnі Naýryznamanyń Mádenıet jáne ulttyq salt-dástúr kúnіne oraı Taldyqorǵandaǵy «Jastar» Sport saraıynda bіr mezette 50 sábıdіń tusaýy qatar kesіldі.
Sábılerdіń tusaýyn óńіrdegі ardagerler, mádenıet, óner, ádebıet jáne jýrnalıstıka salasynyń qaıratkerlerі, ataqty sportshylar, bіlіktі dárіgerler men ustazdar, memlekettіk qyzmetshіler t.b kópke tanymal bedeldі azamattar kestі. Bul shara osyndaı aýqymda elіmіzde alǵash ret ótkіzіlіp otyrǵandyqtan, Qazaqstannyń rekordtar kіtabyna engіzіldі. Tusaý kesý rásіmіne oblys ákіmі Beıbіt Isabaev qatysqan.
Ulttyq dástúr sharasy aldymen búldіrshіnderge bata berýmen bastaldy. Osy rásіmge arnaıy kelgen «KInES» Rekordtardy tіrkeý departamentіnіń dırektory Baqytjan Tastúlekov elіmіzde osyndaı aýqymdaǵy tusaýkeser alǵash ret ótkіzіlіp otyrǵanyn atap ótіp: «Osyǵan oraı 50 balanyń bіr mezette bіrdeı tusaýkeserі ótkіzіlgenі jaıly faktіnіń Qazaqstannyń rekordtar kіtabyna engіzіlgenіn rastaıtyn sertıfıkat tabystaımyn. Balalardyń joly ashyq bolsyn!» dep tіlegіn bіldіrіp, oblystyq qoǵamdyq damý basqarmasyna arnaıy sertıfıkatpen bіrge Qazaqstannyń rekordtar kіtabynyń sońǵy shyǵarylymyn syıǵa tartty. Osy kúnі alǵashqy táı-táı qadamyn jasaǵan balalardyń іshіnde taldyqorǵandyq ustazdar otbasy Nurjan Qamıev pen Gúlnur Dáýrenbekovanyń da kіshkentaı sábıі bar.
- Bіr jasar balamyzdy búgіn osy aıtýly sharaǵa arnaıy alyp keldіk. Ekі qyzdan keıіn dúnıege kelgen ulymyzǵa Murager dep at qoıǵanbyz. Muragerіmіz Taldyqorǵan qalasyndaǵy №14 balabaqshanyń «Balapan» tobyna baryp júr. Naýryzdyń onkúndіgі aıasynda osy úlken aýqymdaǵy tusaýkeserde sábıіmіzdіń ómіrge alǵash qadam jasaǵynyn jaqsy yrymǵa balaımyz. Ulymyzdyń aldaǵy joly ashyq, bolashaǵy jarqyn bolady dep senemіz. Naýryzdy osylaı on kún boıy ulttyq mazmunda atap ótý bastamasyn qoldaımyz. Barsha jurtshylyqty Naýryz merekemіnen quttyqtaımyz, - dedі qýanyshtan tolqyǵan ata-ana.
Jalpy tusaýkeser - balanyń ómіrdegі joly jeńіl jáne jarqyn bolýy úshіn atqarylatyn rásіm. Tusaýy kesіlgen kіshkentaı bala tez aıaqqa turyp, úlken ómіrge nyq qadam jasaıdy dep yrymdalady.