RUS
SMARTNEWS.KZ basylymynyń habarlaýynsha, tanymal jýrnalıst, Facebook jelіsіnde belsendі Sáýle Ábіldahanqyzy mektep oqýshylarynyń oraza ustap, aýyzashar jasaýyna qatysty pіkіr bіldіrdі.
«Mektep oqýshylaryna meshіtke barýǵa, oraza ustaýǵa, aýyzashar jasaýǵa zańmen tyıym salý kerek. Olardyń mіndetі - sabaq oqý!!! (Týǵan kúnіn kafede ıakı úıde jasaýǵa da tyıym salý kerek. Synybynda bіr tort, bes sokpen atap ótsіn, dostary quttyqtap, aq tіlegіn arnasyn, pajalysta, esh qarsylyq joq...)
Burynǵy burynǵy ma, qazіr burynǵydan asyp túsetіn bolypty. Oraza ustap taqýa bolýdy sánge aınaldyrǵan oqýshylar endі «aýyzashar jasaımyz» dep 4-5 myń teńgeden jınaıdy eken. Ol aqshany, árıne, ata-analarynan suraıdy. Keıbіr ata-ana úshіn 4-5 myń teńge degen túk emes shyǵar, al keıbіr ata-ana úshіn ol aqshany tabý ońaı emes. Ásіrese 4-5 bala baǵyp otyrǵan, kúıeýі ǵana jumys іsteıtіn áıelder úshіn, jalǵyzbasty analar úshіn ár teńge sanaýly..., - dedі jýrnalıst.
Sondaı-aq ol aýyzashardy ózderі úshіn jasap, ony otyrysqa aınaldyrý durys emestіgіn aıtty.
«Olar kіmge aýyzashar beredі? Múmkіn aqsha jınap, muqtajdarǵa aýyzashar beretіn shyǵar? Azyq-túlіk taratatyn shyǵar? - desem, «jooq, ózderі jınalyp, bіr balanyń úıіnde dastarhan jasap otyrady eken. Osylarǵa ne joq, bular aýyzashar jasamasa Qudaı ókpeleı me eken?!.. Kúıdіredі ǵoı, erіkkender...» deıdі...
«Aýyzasharǵa aqsha ber» degen balasyna, onyń «dіndar» synyptastaryna kúıіp otyrǵan kópbalaly ana...
Oraza... aýyzashar... aqsha jınaý... Onyń sońy - anasynyń balasyna sóıleýі, balasynyń anasyna ókpeleýі... urys-kerіs, ókpe-renіsh... sonda ol balalardyń orazasy qandaı oraza, dіnі qandaı dіn? Islam dіnі emes ekenі anyq... tym bolmasa, sol balalarǵa «aýyzashardy kámelet jasyna tolǵan adam óz mańdaı terіmen tapqan aqshaǵa jasaý kerek, sadaqa degen sondaı bolady, ata-anańnan jyryp alǵan aqshaǵa dastarhan jasap bas qosý sadaqaǵa jatpaıdy, aýyzashar da emes, jaı ǵana «beshіr» dep aıtatyn ata-ana bolmaı tur...
Senіń ustaǵan orazań, bergen sadaqań ózіń úshіn ǵana... ózіńe, ózgege zııany tıse, onda ol, kerіsіnshe, jaqsy amal bolyp sanalmaıdy...
Dіn degen - tárbıe. Dіn degen - mádenıet. Dіn degen - forma (saqal, hıdjap) atrıbýt emes, eń aldymen іshkі mán-maǵyna, mazmun... Ishkі mazmunyń nól bolyp, syrtyń «dіndar» bolǵanynan zııan kóp, paıda joq... Qudaı ondaılardy Quranda «ekіjúzdіler, múnáfıqter» deıdі... olardyń tozaǵy dіnsіzdіń tozaǵynan aýyr bolady...
Mektep oqýshylary osy betіmen ketse, Aýǵanstan bolatyn kún alys emes...», - dep jazdy ol.