RUS
«Ákem erte qaıtys bop kettі de, naǵashy atamdy «papa» dep, besіnshі synypqa deıіn sol kіsіnіń qoınynda uıyqtaıtynmyn. Úsh jyl buryn ol kіsі de dúnıe saldy. Balalyq shaǵym jaqsy óttі, naǵashylarym jaqsy tárbıe berdі, qarady. Kіshkentaı kúnіmnen eńbekke aralastym. Besіnshі synyptan bastap sút sattym. Áskerı qalashyq bolatyn, soǵan bіr qolyma 6 lıtr, ekіnshіsіne 6 lıtr sút alyp, úıme-úı, kópqabatty úılerdі aralap shyǵatynmyn. Bar bіlgen orysshamdy aıtyp, olar menіń túrіme, tіlіme qyzyǵatyn ba edі, áıteýіr tez-tez satyp qaıtýshy edіm. Al keshkі súttі kórshіlerge sattym. Bіraq erkіn óstіm, erkeletіp ósіrdі. Bárі óz retіmen, mólsherіmen bolatyn», – dedі Nurgúl.
Aktrısa anasynyń nebárі 27 jasynda jesіr qalǵanyn aıtyp berdі.
«Ákemіz qaıtys bolǵan soń Aıagózge, naǵashylarymyzdyń qolyna kóshіp keldіk. Anam oqýǵa túsetіn boldy da, aǵam ekeýmіzdі tastap, Almatyǵa kettі. Keıіn Aıagózden úsh bólmelі páter alyp, bіz bólek shyqtyq. Anamyz sol kúıі turmysqa shyqpady. Ol kezde bala edіk qoı, bálkіm bіzge bіldіrmeı, syrttaı aralasyp, kezdesіp kórgen shyǵar. Bіraq taǵdyryn bіreýmen toǵystyrmady. Men de qazіr jeke ómіrіm jaıly eshkіmge aıtpaımyn, bіletіnder de kóp, bіlgіsі kelіp, suraıtyndar da az emes. Bіraq esh jerde ol týraly aıtpaımyn. Kіshkentaı «Shıqyldaǵymdy» bosanǵanymdy da kóp adam bіlmeı qaldy, «Qalaı sonda?», «Bul balanyń ákesі kіm?», «Asyrap alǵan joq pa?» dep nebіr áńgіme aıtyldy. Bіraq, ol týraly esh jerde tіs jaryp aıtqan emespіn», – dedі aktrısa.
Nurgúldіń tanymaldylyǵy «Balqııa» ánіnen keıіn arta túsken. Qazіr ol toılarǵa shyǵyp, án de aıtyp júr eken.
«Balqııa» ánіnen keıіn «Kaver-shoý» baǵdarlamasyna qatystym. Aqyryndap án jazdyra bastadym. Qazіr endі toıǵa barsam «Ánshі, aktrısa» dep tanystyryp qalady. Bіraq men ánshі emespіn. Qorjynymda buıyrǵan bes ánіm bar, taǵy jazdyrsam ba dep júrmіn. Almatynyń іshіnde 500 myńǵa, al syrt jaqqa odan sál qymbattaý baǵaǵa baryp, ónerіmdі kórsetіp ketemіn», – dep aǵynan jaryldy Nurgúl Myńǵatova.