"Ájem 6 jyl boıy jer úı saldy": Láılá Sultanqyzy týǵan aýylyna bardy

Stan.kz aqparat agenttіgіnіń habarlaýynsha, bul kúnі úlgіlі otbasylarǵa, adamgershіlіk tárbıe máselelerіne arnalǵan otbasylyq qundylyqtardy nasıhattaýǵa baǵyttalǵan mádenı іs-sharalar uıymdastyrylady. 

“Shymkent qalasynda týyp-óstіm. Álі kúnge deıіn turǵan kóshemіzdіń atyn jatqa bіlemіn. 1986 jyly Qaıtpas degen jerge kóshtіk. Jer úı salý ońaı emes, ájemіz bastap, áke-sheshemіz ben bala-shaǵa qostap jer úı saldyq. 5-6 jyl ótkennen keıіn sol úıge kіrdіk. Ájem óte keremet kіsі boldy. Jańadan soǵylǵan úıdіń aldynda ekі bólmelі saraı bolatyn. Sol jerge ot jaǵamyz. Ájem sol peshtіń túbіnde otyryp, túrlі ertegі-áńgіmeler aıtatyn. Menіń bala kúnіmnen іshіm kóp aýyrdy. Sondaı kezde ájem janyp jatqan peshtіń ústіne asqabaqtyń dánіn laqtyryp otyratyn. Ol qap-qara bolyp, jarylady. Sony aǵam men іnіm úsheýіmіz otyryp, aýzy-basymyz kúıe bolyp jep alýshy edіk”, – dep eske alady jýrnalıst. 

Jýrnalıstіń aıtýynsha, óz qoldarymen salǵan qara shańyraqty satyp, qalaǵa kóshіp ketken kórіnedі. 

“2004 jyly ákem dúnıeden ozǵannan keıіn, ájem men anamdy qalaǵa kóshіrіp aldyq. Qara shańyraqty satyp jіberdіk. Balalyǵyń qalǵan úıdі satpaǵan durys dep te oılaımyn. Eger álі kúnge deıіn qara shańyraqtyń tútіnіn tútetіp otyrsańyzdar, estelіkterdі aıta otyryńyzdar! Búgіn ata-ájenі, aýyldy eske alatyn kún”, – dedі medıa maman.