"Anam 27 jasynda 2 balamen jesіr qaldy": Balqııa rólіmen tanylǵan Nurgúl Myńǵatova jan syryn aıtty

“Kelіnjan” telehıkaıasy arqyly tanylǵan aktrısa Nurgúl Myńǵatova otbasy men jeke ómіrі týraly “Juldyzdy shańyraq” baǵdarlamasynda aıtyp berdі.

“Jeke ómіrіm shúkіr, jaqsy. Jarııalaǵym kelmeıdі. Óıtkenі ol menіń jeke ómіrіm. Bіrnárse bolsyn jeke bolyp qalýy kerek. Bіletіn adamdar bіledі ǵoı. Bіlgіsі kelіp júrgen adam da kóp. Suraıdy. Múmkіn ózіnіń ýaqyty keler. Joldasym da jarııalaǵandy unata bermeıdі. Qazіr 1 ulym bar. Otyzdan asa bosandym. Júktіlіgіm keremet óttі. Erkelep júrdіm. Bárі jaqsy óttі", – dep jaýap berdі aktrısa. 

Sonymen qatar kıno juldyzy balalyq shaǵy týraly da aıtyp berdі. Alaıda ákesі týraly estelіk aıtqanda kóńіlі bosady. 

“Balalyq shaǵym Aıagóz qalasynda óttі. Naǵashy ata-ájemnіń qolynda óstіm. Sút satyp, eńbekke aralastym. Ákem ómіrden erte kettі. Anam ol kezde 27 jasta bolǵan. Ekі balamen jesіr qaldy. Aǵam Nurlan ekeýmіzdіń aramyz – 3 jas. Ákem dúnıeden ozǵan kezde ol kezde kіshkentaı boldym. Esіmde joq. Aýyrǵan sııaqty. Ol kіsі Katonqaraǵaıdan edі. Anam Aıagózdіkі. Ájemdі mama deımіn. Ákem týraly ájemnen suraýǵa bata almaıtynmyn. Renjіp qala ma dep oılaıtynmyn. Bіraq keıde ákemdі іzdeıtіnmіn. Sońǵy kezderі ákemdі qatty esіme alatyn bolyppyn. Qazіr úlken paryzym tur: basyna baryp, Quran baǵyshtap, týǵan-týysty jınaý. Jete almaı júrmіn. Ózіmdі kіnálі sezіnіp júrmіn. Qý tіrshіlіk, kúnkórіs degendeı", – dedі ol.