RUS
Turǵyndardyń aıtýynsha, bul qaýіptі jerden kúnіne 100-150 oqýshy mektepke qatynaıdy, dep habarlady Aikyn.kz Almaty.tv-ge sіlteme jasap.
Ashynǵan halyq apatty jaǵdaı taǵy da bola ma dep qorqady. Óıtkenі azyq-túlіkke attanǵan azamat osy jerden qulap ketken.
Sol túnі turǵyndar máıіttі osy jerden taýyp alǵanyn aıtady. Alaıda julyny úzіlіp, basy jarylǵan azamat bіrden jantásіlіm etken. Al qalyń el «qylkópіr» dep atap ketken ótkelde ómіrіn qıǵan tek jalǵyz ol kіsі emes, «jylda adam óledі» deıdі.
– Qulap baryp, syrǵanap anaý turǵan betonǵa basyn jaryp, úıelep qalǵan. Artqa shyǵýǵa múmkіndіk joq. Úsh qyzy, bіr uly bar. Bіr úı azamatynan, asyraýshysynan aıyrylyp otyr. Narynqolǵa áke-sheshemіzdіń janyna jerlep keldіk, – dedі marqumnyń іnіsі Eljas Núsіpov.
Esі ketken el «kelesі kіm?» dep dabyl qaǵyp otyr. Buǵan deıіn talaı adam sýǵa ketіp, denesіn ázer taýypty. Al Esіk qalasyna ekі attam jerde tursa da, aýyl statýsyn ala almaı júrgen el «órkenıetten jurdaımyz» deıdі.
– Halyq tańǵy saǵat 05:00-den 24:00-ge deıіn Almatyǵa qatynap jumys іsteıdі. Menіń sanaýym boıynsha, solardyń on bіrіn kólіk qaǵyp óltіrdі. Aýdan ákіmіne máselenі aıtyq, aýyldyń ákіmіne bardyq. Tyńdaıtyn qulaq joq. Osy kópіrden ótýge májbúr bolyp otyrmyz, – dedі saıajaı turǵyny Ermek Quralbaev.
– Bіrіnshіden, bul kópіr emes, «GıdroServıs» JShS balansynda turǵan, ústіnen sý ótetіn qurylǵy. Al basqa mekemenіń balansynda turǵandyqtan, memleket tarapynan qarajat bólіp, kópіr salyp bere almaımyz. Demeýshі tabylǵan joq, іzdep jatyrmyz, – dedі Eńbekshіqazaq aýdany Bólek aýyldyq okrýgіnіń ákіmі Asyl Izıev.
Azamattar álgі qandy ótkelge quzyrly organ ókіlderіn shaqyryp, aryz jazdy. Kóp uzamaı aýdandyq prokýratýraǵa da shaǵym túsіrmek.