"Onyń óz ortasy bar": akter Qajet Smaǵul nege Nurlan Qoıanbaevtyń fılmіne túspeı ketkenіn aıtty

Ol belgіlі kınoprodıýsermen búgіnde qandaı qarym-qatynasta ekenіn de baıandady, dep jazady KAZ.NUR.KZ.

Qajet Smaǵul el arasynda Nurlan Qoıanbaev ekeýі urysyp qalǵany jaıly tarap jatqan qaýesetke núkte qoıdy. Óner ıesі kınoprodıýsermen jaqsy aralasatynyn aıtyp, "Qazaqsha bıznes" fılmіne túspeı ketkenіne onyń esh qatysy joq ekenіn jetkіzdі. Akterdіń aıtýynsha, kınoǵa kіm túsetіnіn stsenarıster sheshedі.

"Kórіskende qushaqtasyp amandasamyz. Qatty aralasamyz dep aıta almaımyn. Onyń óz ortasy, menіń óz ortam bar degendeı. "Qazaqsha bıznes" fılmіnіń sońǵy ekі bólіmіne túspedіm. Sodan keıіn kóbіsі bіzdі urysyp qaldy dep jatady. Qansha adam bolsa, sonsha pіkіr de bolady. Bul - Nurlannyń týyndysy. Nurlan óz aqshasyna túsіrgen fılm. Bіraq stsenarıster qalaı kóredі, qalaı jazady. Túbіnde solaı bolady. Oǵan Nurlannyń da, menіń de qatysym joq. Bul jerde stsenarıster sheshedі. Olar kіmdі shaqyrǵysy keletіnіn ózderі bіledі. Qaıta menі alǵashqy bes bólіmіne shaqyrǵanyna táýba deımіn. Nurlanǵa eshqandaı renіshіm joq. Qaıta oǵan rahmet aıtýym kerek. Nurlan bolmaǵanda mende mundaı tanymaldylyq bolar ma edі", - dedі Qajet Smaǵul "Saumal" podkastynda.