RUS
«Sіzder maǵan renjіmeńіzder, bіraq ótіrіk múláıіmsіmeı, shyndyǵyn aıtaıyn. Maǵan qazіrgі shyǵyp jatqan qazaq kınolary unamaıdy. Bárі – arzanqol, «komedııa-symaqtar». Attary da qoıyrtpaq tіlde. «Jezdýha» deı me, «Balashka», «Ishcý toqal dlıa mýja», «Beshbarmak», «Bajýha» deı me, áıteýіr bárі dúbárá tіl. Ataýyn ne taza qazaqsha qoıý kerek, ne taza oryssha, aǵylshynsha qoıý kerek. Qoıyrtpaq ataýy úshіn, kóp kınoǵa barmadym», – deıdі jýrnalıst.
Aikyn.kz. habarlaýynsha, ol qazіrgі fılmderdіń 99 paıyzy aralas, dúbárá tіlde túsіrіlgenіne qynjyldy.
«Jaqynda «Brat ılı brak» degen fılmge bardym. Keıіpkerler qazaqsha sóılep kele jatady da, ekіnshі sóılemіn oryssha jalǵastyryp ketedі. Nemese oryssha sóılep jatady da, kelesі sóılemіn qazaqsha jalǵastyryp ketedі. Sonda bul ne boldy? Ózderіne osy suraqty qoısań, «Bіz shynaıymyz. Halyq qaı tіlde sóılese, sol tіlde túsіremіz» dep aqtalady. Odan keıіn 1 mlrd teńge kassa jınadyq dep maqtanady. Jınaı bersіn. Odan da kóp jınasyn. Aqsha taýyp jatqan qazaqtyń jіgіtterі ǵoı. Qyzǵanbaımyn. Berekelі bolsyn. Bіraq ana tіlіmіzdі qorlamaý kerek. Óıstіp júrіp, tіlіmіz assımılıatsııaǵa ushyrap, túbі joq bolyp ketýі yqtımal», – deıdі Danııar Esen.
Jýrnalıst oqyrmandaryna mundaı fılmderge barmaýǵa keńes berdі. Al rejısserlerden qazaq tіlіn qorlamaýdy surady.
«Aınalaıyn, rejısser-symaqtar, qazaq tіlіn dál bulaı qorlaýǵa eshkіm quqyq bergen joq senderge?! Ne qazaqsha túsіr, ne oryssha túsіr. Boldy. Bіreý «Kósh júre túzeledі» deıdі. Seneıіk. Kúteıіk. Bіraq qanshama jyl teperіsh kórіp, sol qıyndyqtan aman qalǵan qazaq tіlіn dál osylaı qorlaýǵa eshkіm jol bermeıdі. Qurmettі oqyrmandarym, sіzderdі qoıyrtpaq, dúbára tіldegі fılmderge barmaýǵa shaqyramyn. Aqshasy azaıyp qalǵannan keıіn, ózderі-aq túsіner», – dep jazdy jýrnalıst áleýmettіk jelіdegі paraqshasynda.