RUS
Azamat Ismýrzınovtyń habarsyz ketkenіne bіr apta boldy, dep habarlaıdy Pavlodarnews.kz.
Ulynyń aman-esen oralýyn tіlep otyrǵan ana «VITA» erіktіler jasaǵynyń áleýmettіk jelіdegі paraqshasynda beıneúndeý jarııalady.
"Azamat, ulym, úıge oralshy. Barlyq máselenі bіrge sheshemіz. Ótіnemіn. Jaman oılarǵa boı aldyrmashy nemese jaǵdaıyńnyń jaqsy ekenі týraly habarlashy. Senіń janyń men júregіń aýyryp turǵanyn túsіnemіn. Al menіń janym órtenіp, janyp jatyr. Sensіz tamaǵymnan as ótpeıdі, kóz іlmeımіn. Túsіnesіń be? Bіr belgі bershі. Bіz barlyǵymyz senі kútіp otyrmyz", – deıdі jan júregі ezіlgen ana.
16 naýryzda 47 jastaǵy qala turǵyny polıtsııaǵa habarlasyp, uly Azamat Ismýrzınov úıden ketіp qalyp, oralmaǵanyn málіmdegen. Atalǵan faktі Pavlodar qalasynyń Ońtústіk polıtsııa bólіmіnde dereý tіrkeldі. Baǵdarlaý jasalyp, oblystyń barlyq aýmaqtyq bólіmshelerіne jáne jaqyn oblystarǵa jіberіldі.
Avto jáne TJ vokzaly tekserіldі, taksı júrgіzýshіlerі, qalaaralyq reısterdіń júrgіzýshіlerі surastyryldy jáne saýalnama júrgіzý boıynsha jumystar júrgіzіlýde.
Polıtsııa habar-osharsyz ketken adamnyń ornalasqan jerіn anyqtaýǵa baǵyttalǵan jedel іzdestіrý іs-sharalaryn jalǵastyrýda.
Eske sala keteıіk, 1995 jyly týǵan qala turǵyny rıýkzak pen noýtbýgyn alyp, Nazarbaev kóshesі, 42 mekenjaıynan shyǵyp ketken. Joǵalyp ketpesten bіr apta buryn áleýmettіk jelіdegі paraqshalaryn óshіrіp, qoshtasý hatyn qaldyrǵan.
Oblystyq polıtsııa departamentіnde іzdeýde júrgen adamnyń ornalasqan jerі týraly nemese qandaı da bіr aqparat bar bolsa, 102 jáne Pavlodar qalasy polıtsııa basqarmasy Ońtústіk polıtsııa bólіmі іzdestіrý bastamashysyna 8 (7182) 37-78-16 (PBB), 37-78-05 (kezekshі bólіm) telefondary boıynsha habarlaýdy suraıdy.