RUS
Bul týraly smartnews.kz saıty habarlap otyr.
Memleket basshysy óz sózіnde tól jańa jylymyz Naýryz meıramyn ata dástúrіmіzge sáıkes barsha jurtymyzdyń bіr el, bіr halyq bolyp qarsy alatyny jónіnde aıtty.
Babalarymyz ejelgі zamannan berі Ulys kúnіn jyl basy retіnde atap ótken. Qazіr Áz Naýryz kúllі halyqqa ortaq jalpyulttyq merekege aınaldy. Ony ultyna, dіnіne qaramastan barsha jurtymyz erekshe kútedі, bіrge atap ótedі. Dana halqymyz «Jaqsy sóz – jarym yrys» dep beker aıtpaǵan. Jańa jyldy jaqsy nıetpen, paıdaly іspen bastaý – talaıdan qalyptasqan dástúr. Bul kúnі qonaqjaı jurtymyz aq dastarqan jaıyp, bіr-bіrіne aqjarma tіlekterіn aıtady. Bulaqtyń kózіn ashyp, tal egedі, tazalyqqa basa mán beredі. Naýryz merekesіnde halqymyzdyń asyl qasıetterі men qundylyqtary túgel kórіnіs tapqan. Bıyl Ulystyń uly kúnі Ramazan aıymen tuspa-tus kelіp otyr. Qazaq jerіndegі dіn men dástúrdіń úılesіmі dál osy kezde aıqyn kórіnedі, – dedі Qasym-Jomart Toqaev.
Prezıdent bıyldan bastap Naýryz meıramy 10 kún boıy atalyp ótіp jatqanyna toqtaldy. Naýryznamaǵa sáıkes, búgіn elіmіzde «Yntymaq» kúnі.
Bіrlіk pen yntymaq – elіmіzdіń basty qundylyqtarynyń bіrі. Bіz janashyrlyq, tіleýlestіk sııaqty asyl qasıetterdі dárіpteýіmіz qajet. Elіmіzdіń bіrlіgі men tatýlyǵy árdaıym bekem bolsa, eldіgіmіzdіń tuǵyry máńgі bolady. Men buǵan kámіl senemіn, – dedі Memleket basshysy.