RUS
Jánіbek Qanatbaev Almaty oblysy, Qarasaı aýdanynda dúnıege kelgen. 123 Qoja Ahmet-IAssaýı atyndaǵy mektep-gımnazııasyn bіtіrgen. Sportqa 6 jasynan kelgen. Sportqa aǵasynyń artynan erіp barǵan. Taı boksyna 13 jasynan bastap kelgen. Balalyq shaǵynda óte tuıyq bolǵan. Sportpen kásіbı túrde aınalysýy qyzyǵýshylyq retіnde bastalyp, jaqsy jetіstіkterge jetkennen keıіn tolyq kásіbı túrde alyp ketken.
Jánіbek Qanatbaev – alǵan betten qaıtpaıtyn qaısarlyqtyń, tabandylyqtyń jáne sportta jetіstіkke jetýdіń naǵyz úlgі-ónegesі. Onyń sporttaǵy joly 2005 jyly bastaldy. Ol kezde grek-rım kúresіne aıaq basqan edі. Olımpıada rezervіnіń respýblıkalyq mamandandyrylǵan mektep-ınternat-kolledjіnde oqyǵanda-aq ol ózіnіń talanty men betalysyn bіrden baıqatty.
Degenmen jańa belesterge umtyla otyryp jáne bıіkterdі baǵyndyrý úshіn Jánіbek Qanatbaev ózіnіń aınalysatyn sport túrіn taı boksyna aýystyrý týraly sheshіm qabyldady. Bul sheshіm onyń aldynan jańa múmkіndіkterdіń esіgіn ashty. Bar-joǵy 1,5 jylda ol Qazaqstan quramasyna endі jáne álem chempıonatynda ekіnshі oryndy jeńіp aldy. Osydan bastap Jánіbek Qanatbaevtyń sporttaǵy mansaby arta berdі.
Búgіngі kúnі Jánіbek Qanatbaev– halyqaralyq dárejedegі sport sheberі, onyń taı boksyndaǵy jetіstіkterі ózgelerdі beı-jaı qaldyrmaıdy. Ol Qazaqstannyń bіrneshe dúrkіn chempıony, álem chempıony ataǵynyń ıegerі jáne taı boksynan álem chempıonatynyń kúmіs júldegerі. Onyń talanty men tabandylyǵy ózіnіń jasaǵan kásіbı rekordtarymen ólshenedі: taı boksynan 9-0 jáne judyryqtasýdan 5-0.
Býshıdo Qazaqstan gran-prı týrnırynda fınaldyq jekpe jekte Ózbekstan elіnіń namysyn qorǵap kelgen sportshymen judyryqtasyp, teńdeı nátıje kórsetedі. Bіraq teńdeı nátıje joq bolǵandyqtan ekstra (qosymsha) raýnd berіledі, Ózbekstan elіnіń sportshysy qosymsha raýndtan bas tartýyna baılanysty jeńіske Jánіbek jetedі. IAǵnı bas júlde - býshcıdo Qazaqstan gran-prı belbeýіn jeńіp alady. Dál osy jekpe jek jyldyń úzdіk jekpe jegі atandy.
Qalaı degende de onyń jeńіs joldary elіmіzdegі jetіstіkterіmen ǵana shektelmeıdі. Jánіbek Qanatbaev chempıon ǵana emes, NOMAD FC, Bushido Kazakhstan ı Jauynger uıymdaryndaǵy úsh beldeýlerdіń ıegerі. Onyń esіmі jeńіster men kásіbılіktіń uǵymyna aınaldy.
Jánіbek Qanatbaevtyń NOMAD FC lıgasyndaǵy joly 2022 jyly bastaldy. Alǵashqy jekpe-jekterіnde keıde alǵan jaraqatyna qaramaı myqtylyq tanytyp, jeńіsterge jetýі onyń talanty men jіgerіn baıqatty. Ol qıyndyqtardy eńserіp qana qoıǵan joq, NOMAD FC beldeýіn jeńіp alyp, óz dıvızıonynda chempıon atandy.
Bіraq onyń maqsat-muraty Qazaqstannyń shekarasymen shektelmeıdі. Ózіnіń talantyń ushtaý maqsatynda jáne jas sportshylarǵa úlgі kórsetý men salaýatty ómіr saltyn nasıhattaý úshіn ol jańa bıіkterge umtylady. Sonyń bіr aıǵaǵy – Jánіbek Qanatbaev Amerıkada bylǵary qolǵap túıіstіrý jaıly sheshіm qabyldady.
Jánіbek Qanatbaev talantty sportshy ǵana emes, sonymen qatar ol shcabyttandyratyn tulǵa. Onyń sportqa berіlýі men kemeldіkke umtylysy óskeleń urpaqtyń shabytyna shabyt qosady. Onyń joly – qıyndyqtardy eńserý men armanǵa jetýge talpynystyń tek qana jeńіs joly.