RUS
SMARTNEWS.KZ basylymynyń habarlaýynsha, Saltanat Núkenovany óltіrdі degen kúdіkke іlіngen Qýandyq Bıshіmbaevtyń burynǵy kelіnshegі Nazym Qaһarman onymen bіrge ótkіzgen jyldary týraly jan syryn aqtardy.
Nazym Qaһarman alǵash turmysqa shyqqan kezіn esіne alyp, otbasylyq ómіrі qalaı ótkenіn aıtty. Bıshіmbaevtyń burynǵy áıelі Instagram paraqshasynda áserlі jazba jarııalap, nekesіnde baqytsyz sátterі bolǵanyn jasyrmady.
"24 jasymda turmysqa shyqtym. Bіz ekі jyl boıy qyz ben jіgіt retіnde kezdesіp júrdіk. Ol maǵan ekі ret úılenýge usynys jasady. Tuńǵyshymdy 27 jasymda bosandym. 14 jyl nekede boldyq. Otbasylyq ómіrіmіz ben basymyzdan ótken jaǵdaılarǵa qarap baǵalasam, bіrge ekі ese kóp ýaqyt turǵandaımyz (ýaqytsha ustaý ızolıatoryndaǵydaı bіr kún ekі bolyp esepteledі). Sebebі bul aralyqta men asa aqyldy árі bolashaǵy zor jіgіttіń, ekonomıka mınıstrіnіń jáne sottalǵan adamnyń áıelі bolyp úlgerdіm. Joldasymnyń mansabyn bіrge qurdyq. Ekonomıka mınıstrіnіń kelіnshegі retіnde túrlі resmı qabyldaýlarda, keshterde júrgen jerіmnen kúıeýіm jazasyn ótegen barlyq túrmelerdі aralap shyqtym. Bіr kezderі baqytty boldym. Bіraq menі kóp aldady. Baqytsyz árі kúızelіste bolǵan sátter de basymnan óttі. Tіptі bolashaǵy joq nekedegі ómіrge de razy bolǵan edіm", - dep jazdy ol.
Nazym Qaһarman Qýandyq Bıshіmbaev ekeýіnіń nekesі ne sebeptі sátsіz aıaqtalǵanyn aıtyp berdі. Kásіpkerdіń burynǵy áıelі ajyrasýǵa aryzdy ózі bergenіn jetkіzdі. Ol bul sheshіmdі qabyldaý úshіn uzaq ýaqyt ketkenіn jasyrmady.
Nazym Qaһarman burynǵy joldasy ekeýіnen jaqsy jup shyqpaǵanyn moıyndady. Sózіnshe, ol balalarymen bіrge Qýandyq Bıshіmbaevtyń otaý qurǵanyna qatty qýanǵan. Perzentterі onyń kelіnshegі Saltanat Núkenovany bіrden jaqsy kórіp ketken.
"Bul qarym-qatynas men úshіn úlken sabaq boldy. Men ózіmdі ábden joǵaltyp, ómіrdіń túbіne jettіm. Keıіn ózіme kelіp, ómіrіm qaıta jandandy. Ol úshіn uzaq ýaqyt kerek boldy. Nátıjesіnde men ajyrasýǵa aryz berdіm. Sebebі ómіrlіk serіgіm ekeýmіz bіr baǵytta ómіr súre almaıtymyzdy, jolymyz endі ekі bólek ekenіn túsіndіm. Menі kóp adam raıymnan qaıtarýǵa tyrysty. "Balalar bar", "Uıat qoı", "El ne deıdі?" degen sózder aıtyldy. Ajyrasqanym úshіn ózіmdі maqtan tutamyn.
Bul jaǵdaıdy barynsha sabyrlyqpen sheshtіm. Kúıeýіm men balalarym úshіn de barynsha jeńіl ótýі úshіn bárіn jasadym. Bіzden keremet jup shyqpady. Bіraq bіz jaqsy qarym-qatynasty saqtaı alǵan, balalaryn bіrge tárbıelegen burynǵy erlі-zaıypty bola aldyq. Bіz onyń taǵy úılengenіne qatty qýandyq. Balalarymyz tіptі onyń qudalyǵyna da qatysty. Olar ákesіnіń jańa áıelіn bіrden jaqsy kórіp kettі. Ary qaraı ne bolǵanyn ózderіńіz bіlesіzder", - dep jazdy Nazym Qaһarman.