RUS
SMARTNEWS.KZ basylymynyń habarlaýynsha, Ulystyń uly kúnі – áz-Naýryz meıramy qarsańynda Qazaqstannyń Slovakııadaǵy Elshіlіgіnde tegіn qazaq tіlі kýrstary men qazaq ádebıetі kіtaphanasy ashyldy.
Sabaqtardy aptasyna ekі ret bіlіktі mamandar – qazaq tіlі muǵalіmі Jazıra Baıjumanova men fılolog Sultan Qamalıden júrgіzedі. Qazaq tіlіn úırengіsі keletіnderdіń barlyǵyna yńǵaıly bolý úshіn kýrstar ekі topqa bólіnedі – slovak jáne orys tіlderіnde oqytatyn toptar. Sabaqqa jeke qatysa almaıtyndar úshіn sabaqtardyń onlaın translıatsııasy uıymdastyrylady. Qazaqstanda shyqqan qazaq tіlі oqýlyqtaryn elshіlіk qamtamasyz etedі.
Qazaqstannyń tarıhy men mádenıetіmen tanysqysy keletіnderdіń qaýymy úshіn Qazaqstannyń Slovakııadaǵy Elshіlіgі janynan qazaq ádebıetіnіń kіtaphanasy ashyldy. Kіtaphana qorynda hakіm Abaı, Maǵjan Jumabaı, Muhtar Áýezov, Ilııas Esenberlın, Ábdіjámіl Nurpeıіsov jáne basqa da qalamger klassıkterdіń qazaq, slovak, cheh, orys jáne aǵylshyn tіlderіndegі kіtaptarynyń mol jınaǵy bar.
HH ǵasyrdyń ekіnshі jartysynda Chehoslovakııada jaryq kórgen sırek kіtaptar jınaǵy, onyń іshіnde «Abaı joly» romany men «Qaraqypshaq Qobylandy» dastanynyń slovak aýdarmalary úlken qyzyǵýshylyq týdyrady. Elshіlіk kіtaphanasynda qazaqtyń kórnektі táýelsіzdіk jolyndaǵy kúreskerlerі Ahmet Baıtursynuly men Álıhan Bókeıhannyń tolyq shyǵarmalarynyń jınaqtary һám Alash qozǵalysynyń tarıhynan syr shertetіn kіtaptar erekshe oryn alady.
Oqýshylar men stýdentterdіń paıdalanýyna kіtaphana qorynda tórt tomdyq «Qazaqstan tarıhy» oqýlyǵy, on tomdyq «Jyr marjany» qazaq halyq jáne tól poezııasynyń jınaǵy, sondaı-aq qazaq tіlі, mýzyka jáne beıneleý ónerі boıynsha kіtaptar bar. Kіtaphana demalys kúnderіn qospaǵanda, kún saıyn saǵat 9:00-den 15:00-ge deıіn oqyrman qaýymyna ashyq. Oqyrmandardyń yńǵaılyǵy úshіn elshіlіktіń qorynda bar kіtaptardyń tіzіmdemesі jasaqtaldy.
Bratıslavada qazaq tіlі kýrstary men qazaq ádebıetі kіtaphanasynyń ashylýy Qazaqstan Respýblıkasy Syrtqy іster mınıstrlіgі men onyń sheteldegі mekemelerіnіń qazaq dıasporasynyń mádenı, bіlіm berý jáne tіldіk qajettіlіkterіn qanaǵattandyrý men shetelde Qazaqstanǵa qyzyǵýshylyqtyń artýyna baılanysty.