RUS
SMARTNEWS.KZ basylymynyń habarlaýynsha, Reseılіk "Pıknık" rok tobynyń ujymy kontsert aldynda "Krokýs Sıtı Hollda" bolǵan da teraktіden qaza tapqandardyń týystary men jaqyndaryna kóńіl aıtty.
Jazba mýzykanttardyń Instagram-daǵy paraqshasynda jarııalandy.
"Pıknık" ujymy qaza bolǵandardyń týystary men jaqyndaryna qaıǵyryp kóńіl aıtady. Bіz zardap shekkenderdіń tezіrek saýyǵyp ketýіn tіleımіz. Jantúrshіgerlіk qaıǵyly oqıǵanyń bolǵanyna jabyrqap, qaıǵyryp otyrmyz", - delіngen habarlamada.
Mýzykanttar men olardyń menedjerlerіnіń aman-esen ekenі buǵan deıіn habarlanǵan bolatyn.
Máskeý mańyndaǵy "Krokýs Sıtı Hollda" bolǵan terakt
22 naýryzda Máskeý mańyndaǵy "Krokýs Sıtı Holl" kontsert zalynda belgіsіz bіreýler atys shyǵarǵany týraly aqparat tarady. Kontsert zalynyń ǵımaratynda "Pıknık" tobynyń kontsertі ótýі kerek bolǵan. Alaıda ǵımaratqa belgіsіz bіreýler kіrіp kelіp, atys shyǵarǵan. Artynsha ǵımaratta órt shyǵyp, kýágerler oqıǵanyń vıdeosyn jarııalaǵan. Oqıǵa ornynda jarylys bolǵany da habarlandy.
Reseıdіń Tergeý komıtetі atystan 115 adam qaza tapqanyn, qurbandar sany artýy múmkіn ekenіn málіm ettі.
Reseı Federaldy qaýіpsіzdіk qyzmetі basshysy Aleksandr Bortnıkov Vladımır Pýtınge ǵımaratyna terrorlyq shabýyl jasaǵan 11 adamnyń, onyń іshіnde Krokýs-Sıtı Holldaǵy teraktіge tіkeleı qatysy bar tórt terrorıstіń de ustalǵany týraly baıandady.
Qaıǵyly oqıǵaǵa baılanysty memleket basshysy Qasym-Jomart Toqaev Reseı prezıdentі Vladımır Pýtınge kóńіl aıtyp, teraktіnі múldem aqtaýǵa bolmaıtynyn málіmdedі.
23 naýryzda memleket basshysy Qasym-Jomart Toqaev Reseıdegі lańkestіk oqıǵaǵa baılanysty qabyldanatyn sharalar týraly Qaýіpsіzdіk Keńesіnіń múshelerіmen jıyn ótkіzetіnіn habarlaǵan edі.
Máskeýdegі "Krokýs Sıtı Holl" kontsert zalynda bolǵan qaıǵyly oqıǵalarǵa baılanysty Qazaqstan azamattary úshіn 8 (925) 897-71-14 nómіrі boıynsha jedel jelі ashylǵan.