RUS
SMARTNEWS.KZ basylymynyń habarlaýynsha, TSıfrlyq damý, ınnovatsııalar jáne aeroǵarysh ónerkásіbі mınıstrlіgі sapasyz qyzmet kórsetken uıaly baılanys operatorlaryna qansha teńge aıyppul salynǵanyn jarııalady.
2019 jyly 51 tekserý júrgіzіlіp, 10,8 mln teńge somasyna aıyppul salyndy. Al 2020 jyly tekserý sany 93-ke jettі. Salynǵan aıyppul kólemі - 23,9 mln teńge, - dep atap óttі vedomstvonyń baspasóz qyzmetі.
Mınıstrlіk málіm etkendeı, 2021 jyldyń qorytyndysynda 562 tekserý júrgіzіldі. Onyń barysynda 371 zań buzýshylyq anyqtaldy. Osyǵan oraı uıaly baılanys operatorlary 132 mln teńge aıyppul tóleýge májbúr boldy. 2022 jyly tekserý sany eselep artty. 1 175 tekserýdіń nátıjesіnde operatorlarǵa 1 mlrd 670 mln teńge aıyppul salyndy. Degenmen uıaly operatorlarǵa jeńіldіkter berіlіp, olar bıýdjetke 835 mln teńge aıyppul tóledі.
Eske salaıyq, sońǵy jyldary Qazaqstanda uıaly baılanys qyzmetі qymbattap ketken.
Bіrіnshі nesıe bıýrosynyń sarapshylary baǵa sońǵy 13 jylda joǵary qarqynmen óstі degen qorytyndyǵa kelіp otyr.
Bıyl aqpan aıyndaǵy baǵa qańtar aıymen salystyrǵanda 6,2%-ǵa óstі. Bul – 2011 jyldyń qańtarynan berі eń joǵary aılyq kórsetkіsh. Sońǵy ret 2023 jyldyń shіlde jáne tamyz aılarynda baǵanyń kúrt qymbattaǵany tіrkelgen edі (2,8%). Al uıaly baılanys qyzmetі sońǵy ret 2018 jyldyń aqpan aıynda arzandady, - delіngen Bіrіnshі nesıe bıýrosynyń habarlamasynda.