RUS
SMARTNEWS.KZ basylymynyń habarlaýynsha, Vladımır Pýtın lańkestіk oqıǵany «jabaıy» jáne «qandy» lańkestіk áreket dep atady.
«Lańkestіk árekettіń tórt tіkeleı oryndaýshysy, adamdardy atyp óltіrgenderdіń barlyǵy tabylyp, ustaldy, olar qashýǵa árekettenіp, Ýkraınaǵa qaraı jyljydy, onda, aldyn ala málіmetter boıynsha, olar úshіn memlekettіk shekarany kesіp ótge Ýkraına jaǵynan tereze daıyndalǵan», – dedі ol.
Pýtın lańkestіk áreketke qatysqandardyń barlyǵy jazalanady dep ýáde berdі.
Qatysatyndardyń barlyǵy jazalanady. Olar kіm bolsa da. Olardy kіm basqarsa da. Bіz Reseıge shabýyl jasaǵandardyń barlyǵyn anyqtap, jazalaımyz.
Bіz halyqaralyq terrorızmge qarsy kúreste basqa eldermen kúsh bіrіktіrýge daıynbyz. Bіzdіń mіndetіmіz – bіr qatarda bolý. Bіrlіgіmіz ben erіk-jіgerіmіzdі eshkіm de, eshteńe de shaıqalta almaıdy, - dep qosty Pýtın.
Sonymen qatar buǵan deıіn Zelenskııdіń keńsesі reseılіk BAQ-taǵy bіrqatar jarııalanymnan keıіn Ýkraınanyń teraktіge esh qatysy joq ekenіn resmı túrde málіmdedі.
Aıta ketsek, Reseı Federatsııasynyń tergeý komıtetі «Krokýs Sıtı Holl» kontsert zalynda lańkestіk shabýyl kezіnde qaza tapqandar týraly derekterdі jańartty.
«Krokýs Sıtı Holl» kontsert zalyndaǵy úıіndіlerdі zertteý barysynda lańkestіk shabýyldan qaza tapqandar sany 133 adamǵa deıіn óstі. Izdeý jumystary jalǵasýda», - delіngen habarlamada.
Buǵan deıіn Vladımır Pýtın 24 naýryzdy jalpyulttyq aza tutý kúnі dep jarııalaǵan bolatyn.
Eske sala ketsek, 22 naýryzda Máskeýdegі «Krokýs Sıtı Hollǵa» kontsert kezіnde terrorlyq shabýyl jasalyp, ǵımarat órtke orandy. Terrorıster ǵımaratta 18 mınýt bolǵan.
- Saǵat 19.55-te «Krokýs» ǵımaratynyń aldyna «Reno Sımbol» toqtap, іshіnen avtomat asynǵan terrorıster shyǵyp, ǵımaratqa qaraı júgіrіp, adamdarǵa oq jaýdyryp, kúhetshіlerdі atyp tastaǵan.
- 20:03-ke taman terrorıster kontsert zalynyń kórermender otyrǵan zalyna kіrіp, aldynan shyqqan adamdardy atyp, kreslolardy órteı bastaıdy. Shabýyl jasaǵan adamdarda benzın bolǵan.
- Terrorısterden qashyp qutylǵan adamdar terezelerdі syndyryp, ǵımarattan qasha bastaǵan.
- 20:13-te aq «Reno Sımbol» mіngen tórt qaskóı «Krokýstyń» kólіk turaǵynan kete bastaǵan.
Búgіn Federaldyq qaýіpsіzdіk qyzmetіnіń 11 adamdy, onyń іshіnde «Krokýs Sıtı hollda» bolǵan 4 terrorıstіń ustaǵany belgіlі boldy.