Frantsııa Máskeýdegі teraktіden keıіn lańkestіk qaýіptіń joǵary deńgeıіn engіzdі
Frantsýz úkіmetі Máskeýdegі juma kúnі bolǵan teraktіden keıіn elge tónіp turǵan yqtımal qaýіpterge baılanysty eldіń ulttyq terrorlyq dabyl júıesіnіń eń joǵary deńgeıіn іske qosý týraly sheshіm qabyldady, dep habarlady Sınhýa agenttіgі.
Kazinform habarlaýynsha, Frantsııa prezıdentі Emmanýel Makron Máskeýdegі teraktіden keıіn jeksenbі kúnі keshke Elıseı saraıynda qorǵanys jáne qaýіpsіzdіk máselelerі boıynsha keńes ótkіzdі, dep jazdy eldіń premer-mınıstrі Gabrıel Attal H áleýmettіk jelіsіnde.
«DAISh tarapynan bolýy múmkіn shabýyl men elіmіzge tónіp turǵan qaýіptі eskere otyryp, bіz Vıgıpırat deńgeıіn eń joǵary deńgeıge deıіn kóterý týraly sheshіm qabyldadyq, óıtkenі shabýyl qaýpі óte joǵary», - dep jazdy G. Attal.
Juma kúnі Máskeý túbіndegі Krasnogorsk qalasyndaǵy Crocus City Hall ǵımaratynda bolǵan terakt saldarynan kem degende 137 adam qaza tapty. Reseı prezıdentі Vladımır Pýtın senbі kúnі teledıdar arqyly halyqqa úndeýіnde 24 naýryzdy ulttyq aza tutý kúnі dep jarııalady.