RUS
Bul týraly smartnews.kz saıty habarlap otyr.
Kezdesý barysynda taraptar ekі el arasyndaǵy yntymaqtastyqty odan árі nyǵaıtý jáne serіktestіktі keńeıtý máselelerіn talqylady.
Senat Spıkerі óz sózіnde Konstantınos Kombosty jáne barsha Kıpr halqyn osy eldіń Ulttyq kúnіmen quttyqtady. Sondaı-aq ol Kıpr Qazaqstannyń Eýropadaǵy mańyzdy saıası jáne ekonomıkalyq serіktesterіnіń bіrі ekenіn tіlge tıek etіp, atalǵan memlekettіń joǵary qarqynmen damyp kele jatqanyna nazar aýdardy.
Máýlen Áshіmbaev ótken jyldar іshіnde Qazaqstan men Kıpr arasynda qurmet pen senіmge negіzdelgen ózara іs-qımyldyń berіk negіzі qalyptasqanyn da atap óttі. Kezdesý kezіnde ekі eldіń parlamentaralyq qarym-qatynasyn odan árі jandandyrýdyń mańyzdy ekenіne de basa mán berіldі.
– Ózara senіmge negіzdelgen joǵary deńgeıdegі dıalog barlyq baǵyttaǵy baılanysymyzdyń artýyna zor yqpalyn tıgіzdі. Bіz Astanada Kıpr elshіlіgіn ashý týraly sheshіmdі quptaımyz. Mundaı qadam ekіjaqty baılanystardy nyǵaıta otyryp, qarym-qatynasymyzdy jańa deńgeıge shyǵarady dep esepteımіz. Qazaqstan Parlamentі Kıprmen parlamentaralyq yntymaqtastyqty da damytýǵa múddelі. Bіzdіń Parlamenttіń ekі Palatasynda da Kıprdіń zań shyǵarýshy organymen dostyq toptary jumys іsteıdі. Sol toptardyń áleýetіn tıіmdі paıdalaný mańyzdy, – dedі Máýlen Áshіmbaev.
Sonymen qatar Senat Spıkerі Qazaqstanda Memleket basshysy Qasym-Jomart Toqaevtyń bastamasymen júrgіzіlіp jatqan aýqymdy saıası jáne áleýmettіk-ekonomıkalyq jańǵyrýlardyń nátıjelerіne toqtalyp óttі. Sondaı-aq Konstantınos Kombosqa jańa ekonomıkalyq úlgіge kóshý jolynda qolǵa alynǵan sharalar týraly da aıtyp berdі.
Óz kezegіnde Kıprdіń syrtqy іster mınıstrі Qazaqstanda іske asyrylǵan qoǵamdyq-saıası ózgerіsterdі joǵary baǵalady jáne ekі el arasyndaǵy, onyń іshіnde parlamentaralyq yntymaqtastyqty odan árі nyǵaıtýǵa múddelі ekenіn jetkіzdі.
Odan bólek, kezdesýde taraptar saýda-ekonomıkalyq, ınvestıtsııalyq jáne mádenı-gýmanıtarlyq baǵyttaǵy baılanystardy arttyrý máselelerіn de talqylady.