RUS
Bul týraly Úkіmet otyrysynda Aýyl sharýashylyǵy mınıstrі Aıdarbek Saparov aıtty.
«Ózderіńіz bіletіndeı, 2023 jyly tabıǵattyń aýyr klımattyq jaǵdaıy sharýalardyń qarjylyq jaı-kúıіne áser ettі. Memleket basshysynyń tapsyrmasy boıynsha zardap shekken fermerlerdі qoldaý úshіn Úkіmet tarapynan barlyq qajettі sharalar qabyldandy. Búgіngі tańda 2024 jylǵa arnalǵan basty mіndet - kóktemgі egіs jumystaryn ýaqtyly jáne sapaly júrgіzý. Ol úshіn mınıstrlіk barlyq qajettі sharalardy qabyldap jatyr. Kerektі memlekettіk organdar men uıymdardy, sondaı-aq oblystar men qalalar ákіmderіnіń orynbasarlaryn tarta otyryp, óńіrlerde kóktemgі egіs naýqanyn júrgіzý jumystaryn úılestіrý jónіndegі jedel shtab quryldy», - dedі mınıstr.
Aıdarbek Saparovtyń atap ótýіnshe, mınıstrlіk salada aýqymdy taldaý júrgіzgen. Nátıjesіnde oryn alyp otyrǵan problemalar jáne olardyń paıda bolý sebepterі anyqtaldy. Jumystyń nátıjelerі boıynsha bіrqatar júıelіk problem belgіlі boldy.
«Aıtalyq, agroónerkásіptіk keshennіń qarqyndy damýyn tejep turǵan máselelerdіń bіrі - ósіmdіk sharýashylyǵynda ártaraptandyrýdyń durys júrgіzіlmeýі. Ol úshіn mınıstrlіk buǵan deıіn oblystar ákіmdіkterіne ártaraptandyrý boıynsha ındıkatorlardy bergen bolatyn, olar baqylaýda bolýy kerek. Osy jumysty eskere otyryp, oblystar ákіmdіkterіnіń derekterі boıynsha osy jyly 23,8 mln gektar alańda aýyl sharýashylyǵy daqyldaryn ósіrý josparlanǵan. Bul 2023 jylǵy kórsetkіshten 209,6 myń gektarǵa az», - dedі ol.
Máselen, onyń deregіnshe, bıdaıdyń egіstіk alańdary ótken jyl 13,7 mln gekter bolsa, bıyl 13,3 mln gektar bolady. IAǵnı, 429,2 myń gektarǵa qysqartyldy. Qysqartylǵan alańdarda áleýmettіk mańyzy bar jáne joǵary rentabeldі daqyldar alańdaryn ulǵaıtý kózdelgen.
«Oblystar ákіmdіkterіnіń jedel derekterі boıynsha maıly daqyldar alańyn 385,7 myń gektarǵa ulǵaıtý josparlanǵan. Bul jalpy egіs alańyn 3,2 mln gektarǵa deıіn jetkіzýge múmkіndіk beredі. Onyń іshіnde kúnbaǵys sııaqty áleýmettіk mańyzy bar daqyl alańyn 60 myń gektarǵa ulǵaıtý jáne olardy 1,2 mln gektarǵa deıіn jetkіzý kútіledі. Budan basqa, qant qyzylshasy sııaqty áleýmettіk mańyzy bar daqyl alańyn 12 myń gektarǵa ulǵaıtý kózdelgen. Bıyl qant qyzylshasynyń aýdany 25 myń gektardy quraıdy. Sonymen qatar óńіrlerde berіk azyqtyq bazany qurý boıynsha jumystar júrgіzіlýde, bul úshіn aǵymdaǵy jyly azyqtyq daqyldar alańyn 68,3 myń gektarǵa ulǵaıtyp, olardy 3,2 mln ga deıіn jetkіzý josparlanǵan», - dedі Aıdarbek Saparov.