RUS
Bul týraly Parlament Májіlіsіnde jasandy ıntellekttі qoldaný máselelerіn talqylaý kezіnde QR TSıfrlyq damý, ınnovatsııalar jáne aeroǵarysh ónerkásіbі mınıstrlіgіnіń bіrіnshі vıtse-mınıstrі Qanysh Tóleýshın aıtty.
«Qazіr jasandy ıntellekt ortalyǵyn qurý jumystaryna kіrіstіk. Bul ortalyq álemdegі aldyńǵy qatarly tájіrıbenі paıdalanýda tıіstі platforma qyzmetіn atqarady. Osy jumystar Astana Hub-pen bіrge іske asyrylady. Bul jumystar aıasynda saladaǵy talanttardy daıarlaýǵa jáne adamı kapıtaldy damytýǵa erekshe ekpіn qoıylmaq», - dedі Q. Tóleýshın.
Onyń aıtýynsha, qazіr osy salada bіlіm berý platformasyn ázіrlegen Nıkolıa Sadırakpen (IT bіlіm salasynda halyqaralyq deńgeıdegі maman) kelіssóz jalǵasyp jatyr.
«Bіz jasandy ıntellekt salasynda jyl saıyn 100 startapty іske qosa otyryp, jylda 1000 jasandy ıntellekt mamanyn daıyndaýdy maqsat etіp qoıdyq. Sonymen qatar, 2026 jylǵa qaraı jyl saıyn osy salada 1 mıllıard dollar eksporttyq kіrіske qol jetkіzý mіndetіn belgіledіk», - dedі vıtse-mınıstr.