RUS
Ulysmedia.kz habarlaýynsha, ”Krokýs sıtıdegі” teraktqa qatysty segіzіnshі kúdіktі búgіn sotqa jetkіzіldі. Álіsher Qasymov atty Qyrǵyzstan týmasy terrorısterdіń josparynan beıhabar bolǵanyn aıtady. Tergeý málіmetterі boıynsha, ol ustalǵan kúdіktіlerge páterdі jalǵa bergen. Qasymovtyń ózі páter ótkіzetіn “Avıto” qyzmetі arqyly ǵana olarmen baılanysta bolǵanyn aıtady.
Eske sala keteıіk, keshe Máskeýdіń Basmanskıı sotyna taǵy úsh kúdіktі "Krokýs Sıtı Holl” kontserttіk keshenіnde terrorıstіk akt jasaýǵa aralasty degen kúdіkpen jetkіzіlgen. Sot otyrysy jabyq rejımde ótedі. Tergeý olardy tutqyndaý týraly ótіnіsh jasamaq.
Olardyń bіrі Dılovar Ismolov terrorısterge deldal retіnde kómektestі degen aıyppen kúdіktі. Ustalǵandar mіngen "Reno” kólіgіnіń túpkі ıesі.
Taǵy bіr ustalǵan Dılovardyń 62 jastaǵy ákesі Isroıl Ismoılov jáne onyń 33 jastaǵy aǵasy Amınchon Salomov. Olar taǵylǵan aıyppen kelіspeıdі.
Tergeý Dılovar men Amınchon 24 naýryzda qamaýǵa alynǵan Shamsıddın Farıdýnıdі qylmystyq topqa tartty dep sanaıdy.
Máskeýdegі terakt
22 naýryz kúnі keshke Máskeýdegі Krokýs-Sıtıde terakt boldy. Belgіsіz bіreýler kontsert zalyna kіre berіstegі kúzetshіlerge oq jaýdyrǵan. Sodan keıіn olar foıedegі kórermenderdі atty. Qaza tapqandar sany júzden asyp kettі. Bul lańkestіk oqıǵa TMD elderіndegі sońǵy jyldardaǵy eń іrі teraktіlerdіń bіrі boldy.
Qasym-Jomart Toqaev Qazaqstannyń quqyq qorǵaý organdary qajet bolǵan jaǵdaıda Reseıdіń quqyq qorǵaý organdaryna kómek kórsetetіnіn aıtty.
24 naýryzda Máskeýdіń Basmanskıı aýdandyq soty "Krokýs Sıtı Hollda" adamdarǵa shabýyl jasady dep aıyptalǵandardy qamaýǵa aldy.