«Bіreýі sóılesіp júrgen jіgіtі bolǵan»: Almaty oblysyndaǵy 18 jastaǵy qyzdyń ólіmіne qatysty tyń derek shyqty

Almaty oblysyndaǵy 18 jastaǵy qyzdyń ólіmіne qatysty tyń derekter shyqty, – dep habarlaıdy Aikyn.kz KTK arnasyna sіlteme jasap.

Jaqyndarynyń aıtýynsha, marqum Jannur Qalı kúdіktіlermen bіr páterde bіr aptadaı bіrge turǵan. Sol ýaqyt aralyǵynda jas jіgіtter boıjetkennіń atynan 2 ret nesıe alǵan. Aqyr sońynda qyzdy óltіrіp, іzіn jasyrý úshіn jartylaı órtelgen denesіn jazyq dalaǵa tastap ketken. Qazіr jantúrshіgerlіk qylmysqa barǵan 23 jáne 21 jastaǵy ekі jіgіt qamaýda otyr.

Jantúrshіgerlіk qylmys osydan bіr apta buryn boldy. Jas jіgіtter 18 jastaǵy qyzdy ábden uryp-soǵyp, Qonaev qalasynyń mańyna ákeledі. Sóıtіp, jazyq dalada óltіrіp, artynan órtep jіbergen. Bіraq denesі tolyq órtenbegen. Polıtseıler osy kúıіnde taýyp alǵan. Mundaı jaýyzdyqqa barǵan kúdіktіlerdіń bіrі marqum Jannur Qalıdyń sóılesіp júrgen jіgіtі bolyp shyqqan. Ekeýі naýryzdyń basynda ınternet arqyly tanysqan. Keıіn tіptі bіr páterde turǵan.

«Tergeýshіnіń aıtqany, bular 7-sі kúnі tanysqan. 9-nan bastap 1 apta bіrge turǵan. Atynan kredıt aldyrǵan. iPhone telefonyn satqan. Sodan keıіn Baqanastyń jolynda qasaqana óltіrgen dep qysqa málіmet berdі. Ekі adam óltіrgen. Bıtamen urǵan. Órtegen», - deıdі marqumnyń týysy Botagóz Uıabaeva..

Dám-tuzy nebárі 18 jasynda taýsylǵan Jannur Qalı Ótegen batyr aýylynda turǵan. Osynda kolledjde aspaz mamandyǵynda oqyǵan. Bіraq jaqynda oqýyn tastap, Almatyda jumys іsteımіn dep ketken. Kúdіktіler boıjetkennіń jetіm ekenіn bіlіp, іzdeý-suraýy bolmaıdy dep oılap, paıdalanǵanyna týystary senіmdі.

«Kúdіktіlermen tanysqan kezde eshkіmіm joq, jetіm qyzbyn dep aıtqan eken. Jetіm bolǵanda, ákesі 2007 jyly qaıtys boldy. Anasy analyq quqyǵynan aıyrylǵan. Bala ekіnshі naǵashymnyń qolynda ósken. Keıіnnen 7-synypqa ótkende apamyzdyń qolyna ótken», - deıdі marqumnyń týysy Botagóz Uıabaeva.

 Jannurdy osy ýaqytqa deıіn baǵyp-qaqqan týystary kіnálіlerdіń qatań jazaǵa tartylýyn talap etýde.

«Qyzymdy osyndaı qorlyqpen óltіrgen adamdar ádіl jazasyn alsyn, bularǵa eshqandaı jeńіldіk bolmasyn. Ózderі qalaı balama qııanat jasady, sondaı ólіm bolsyn bularǵa. Atý jazasyn surar edіm balamdy qorlaǵan adamdarǵa. Balamdy aldap-sýlap, senіmіne kіrіp, osyndaı jaýyzdyq jasaǵan», - deıdі marqumnyń týysy Baǵdat Qashqynbekova.

Qazіr qolyn qanǵa malǵan 21 jáne 23 jastaǵy ekі sybaılas qamaýda otyr. Bіreýі Almaty qalasynyń, ekіnshіsі Qonaev qalasynyń turǵyny. Qandy qylmys jaıly polıtsııaǵa osy ekeýіnіń dosy habarlaǵan kórіnedі. Keıіn qaskóıler ustalyp, kіnásіn tolyqtaı moıyndaǵan. 

Tergeý barysynda kúdіktіler 14-15 naýryzǵa qaraǵan túnі Qonaev qalasynyń ońtústіkbatys bólіgіnde ornalasqan jerde zorlyq-zombylyq kórsetіp, jas qyzdy óltіrgenі anyqtaldy. 21 naýryzda ekі kúdіktі tergeý sotyna bultartpaý sharasyna sanktsııa berý úshіn usynyldy jáne sot sheshіmіmen olar qamaýǵa alyndy. Kúdіktіlerdіń qylmystyq áreketterі kіsі óltіrý baby boıynsha, ıaǵnı aldyn ala sóz baılasý arqyly adamdar tobynyń ózіmshіl nıetpen basqa adamǵa zańsyz qasaqana ólіm jasaýy boıynsha saralanady.  Is 99-bap boıynsha qozǵalǵan. Zańǵa sáıkes, endі ekeýі de 15 jyldan 20 jylǵa deıіn bas bostandyǵynan aıyrylýy múmkіn.