Máskeýdegі terakt: Reseılіk tergeýshіler kúdіktіlerdіń otbasynan jaýap alý úshіn Tájіkstanǵa bardy
26 naýryzda reseılіk tergeýshіler Crocus City Hall ǵımaratyna jasalǵan shabýylǵa kúdіktі tórt adamnyń otbasy múshelerіnen jaýap alý úshіn Tájіkstanǵa bardy.
Bul týraly Reuters agenttіgі Tájіkstannyń qaýіpsіzdіk qyzmetіndegі úsh derekkózge sіlteme jasap habarlady.
Kazinform habarlaýynsha, ashyq túsіnіkteme berýge ruqsaty joq derekkózderdіń aıtýynsha, Tájіkstan qaýіpsіzdіk kúshterі otbasylardy Vahdat pen Hısar qalalarynan jáne Rýdakı aýdanynan el astanasy Dýshanbege ákelgen.
Aqparat kózderіnіń habarlaýynsha, Tájіkstandaǵy «Krokýstaǵy» teraktіge qatysty tergeý jumystarynyń barysy memleket basshysy Emomalı Rahmonnyń «jeke baqylaýynda».
Aqparat úshіn, Tájіkstan prezıdentі keshe, 25 naýryzda «Krokýstaǵy» shabýyldy «qorqynyshty oqıǵa» dep atap, ata-analardy balalarynyń tárbıesіne kóbіrek kóńіl bólýge shaqyrdy.