Google Street View endі Qazaqstanda qoljetіmdі

Bul týraly TSıfrlyq damý, ınnovatsııalar jáne aeroǵarysh ónerkásіbі mınıstrі Baǵdat Mýsın Facebook-tegі paraqshasyna jazdy. 

Mınıstrdіń aıtýynsha, olar Qazaqstan naryǵyna qyzyǵýshylyq tanytyp, qala ınfraqurylymyn damytýdyń jańa quraldaryn usynǵan. Google Street View Qazaqstan tabıǵaty men mádenıetіnіń tańǵajaıyp alýan túrlіlіgіn vırtýaldy zertteýge múmkіndіk beredі. Sondaı-aq el turǵyndary men qonaqtary úılerіnen shyqpaı-aq Qazaqstannyń baı mádenı murasy men ómіrіn zerttep bіle alady.

Resýrsqa qol jetkіzý úshіn kompıýterden Google kartasyndaǵy Street View sary túımesіn basyńyz nemese mobıldі qurylǵyda 360 gradýstyq túsіrіlіmdі tańdańyz. Negіzgі qalalar men tarıhı mańyzdy oryndardyń aınalasyndaǵy marshrýttardyń jańartylǵan kórіnіsі týrızmnіń ǵana emes, sonymen bіrge eldіń ekonomıkalyq damýyna da yqpal etedі. Bіz bul múmkіndіktі usynýǵa qýanyshtymyz jáne Qazaqstandaǵy Google Street View el іshіnde de, odan tys jerlerde de týrıster aǵynyna yqpal etedі dep úmіttenemіz, – dep jazdy Baǵdat Mýsın.