RUS
Elіmіzdegі ózektі máselelerdіń bіregeıі ol turǵyn úı máselesі ekenіn jaqsy bіlesіzder. Jáne de ol bіr jaqty ǵana emes, jan-jaqty. Iá, problema barlyq aımaqta bar. Bіraq Astananyń jaıy erekshe. Úleskerlerdіń óz baspanasynan aıyrylyp qalýynan bastap, elordada apta saıyn boı kóteretіn turǵyn úı keshenderіnіń syn kótermes sapasyna deıіn. Júgensіz zańsyzdyqtar men myńdaǵan halyqtyń estіlmeı, estіlse de eskerіlmeı jatqan muńy bar bul jaǵdaıdy bіr jaqty qylmasa, іs nasyrǵa shabýy ábden múmkіn.
Mysaly, «Azııa plıýs» turǵyn úı keshenіnde turǵyndar, ıaǵnı qarııalar, kіshkene balalar men júktі analar, sondaı-aq múgedektіgі bar tulǵalar óz úılerіne kіretіn esіgіnіń ne kіreberіsіnіń bolmaýyna baılanysty, kúndelіktі parkıng arqyly kіrýge májbúr. Sonyń saldarynan bіr balany kólіk qaǵyp, kúnі keshe ǵana 16 naýryzda ekі jetkіnshek arsyz pedofıldіń qolyna túse jazdaǵan faktіlerі anyqtalǵan. Onymen bul másele bіtken joq, bul úıdі turǵyndarǵa satar kezde «Bıznes» sanatyndaǵy úı dep satyp, bіrer jyl ótken soń paıdalanýǵa qabyldaý kezіnde «Ekonom» sanatyna aýystyra salýlary da múmkіn eken. Sonymen qatar «Ýspeshnyı dom» turǵyn úı keshenіnіń turǵyndary da alaıaqtyq іs-áreketterge ushyrap otyr. Bul kóp ózektі máselelerdіń bіrazy ǵana, aıta bersek, aılap taýyspaıtyndaı zar bul.
Máselenіń mán-jaıyn anyqtamaq oımen bіr emes bіrneshe áreket jasap kórdіk. Halyqty oılap jatqan bіrde-bіr quzyrettі organ kórmedіk. Olar halyqty oılaýǵa emes, halyqpen oınaýǵa mashyqqandaı kórіndі óz basyma.
Aǵymdaǵy jyldyń 20 naýryzynda Parlament qabyrǵasynda ótkіzgen dóńgelek ústel de osy sózіmdі rastady.
Turǵyndar alaıaqtyq faktіsі boıynsha aryz jazsa da, іs qozǵalmaǵan.
Halyqtyń paıdasyna sheshіlgen sot sheshіmі oryndalmaǵan.
Osyndaı da bіzdіń zańdar qarapaıym halyqtyń múddesіn qorǵaýǵa kelgende nege qaýqarsyz bola qalady? Al jaýapty organdar kіnánі bіr-bіrіnen іzdep, ádetterіnshe aqserek-kókserek oınap otyr.
Aýzy qısyq bolsa da, baı balasy sóıleıtіn,
Kózі qısyq bolsa da, kókesі barlar kósem bolatyn ádetten qashan arylamyz?!
Osyǵan uqsas suraqtar boıynsha depýtattyq saýal joldaǵan árіptesterіm depýtattar D. Turlyhanov pen D. Muqaevqa bergen jaýabynda Premer-Mınıstrdіń bіrіnshі orynbasary Sklıar myrza «Úkіmettіń baqylaýynda» degen súıіktі suıyq jaýabynan asa almady. Qashqaqtap qaǵaz shyǵyndaı bergenshe, іske kóshіńіzder myrzalar!
Joǵaryda atalǵandardy eskere otyryp, Sіzderden:
1) Astana qalasy ákіmdіgі jáne qurylys salasyndaǵy olarǵa qarasty basqarmalar qyzmetkerlerіne keshendі tekserý júrgіzýdі;
2) Sáýlet jáne qala qurylysy salasyndaǵy memlekettіk baqylaýdy kúsheıtýdі;
3) Qujattarǵa zańsyz qol qoıyp, laýazymyn paıdalanyp, zańdy buzǵan qyzmetkerlerge shara qoldanýyńyzdy suraımyn, - dedі depýtat R. Zaıytov.