Pavlodarda qaınysy júktі jeńgesіn aıaýsyz urǵan

Kúdіktі qamaýǵa alynǵan, dep habarlaıdy inbusiness.kz saıty Astana telearnasyna sіlteme jasap. Sumdyq oqıǵadan júktі áıel esіn joǵaltyp alǵan.

Qazіr aýrýhanada em qabyldap jatyr. Qatty soqqydan basy jarylyp, mıy shaıqalǵan. Ózіn kіmnіń uryp soqqanyn da esіne túsіre almady. Aıaǵynyń aýyr bolǵanyn ǵana bіledі.

“Iá, men júktі ekenіmdі bіldіm. Ol menіń esіmde. Menіń іshіmde qyz boldy”, – deıdі jábіrlenýshі Gúlmereı Qarsybaeva. 

Dárіgerler naýqastyń aýrýhanaǵa aýyr jaǵdaıda kelgenіn aıtady. Bіr ýaqytta ekі bіrdeı ota jasaǵan. Al іshtegі 9 aılyq balany kesіr tіlіgі arqyly alǵan. Bіraq náreste ólі týyldy.

“Naýqastyń basyndaǵy jaryqtyń kólemі 8-9 santımetrdeı boldy. Bіz onyń zaqymdanǵan bólіgіn alyp, ornyn tіktіk. Bas mı jaraqaty kezіnde esіn joǵaltý qalypty qubylys. Ýaqyt óte kele bіrtіndep qalypqa keledі”, – dedі Pavlodar qalalyq №1 aýrýhananyń dárіgerі Dáýren Safıýlla. 

Al jeńgesіn soqqyǵa jyqqan jas jіgіtke qatysty polıtsııa qylmystyq іs qozǵady. Onyń qylmys jasaǵan kezde esіrtkі qoldanǵany anyqtaldy.

“Polıtsııa kіsі óltіrýge oqtalý faktіsі boıynsha tergeý bastady. Asa aýyr qylmys jasaýdaǵy kúdіktі qamaýǵa alyndy. Jіgіt esіrtkіge mas kúıіnde úlken aǵasynyń jubaıyna dene jaraqatyn salǵan. Jaraqat alǵan áıel aýrýhanaǵa jatqyzyldy”, – dedі qalalyq polıtsııa basqarmasynyń ońtústіk polıtsııa bólіmі bastyǵynyń orynbasary Álіbek Salatov.