«Ólіmіn jańalyqtardan estіdіk». Aıtbek Amangeldі oqıǵa bolǵan kúngі jaǵdaıdy baıandady

SMARTNEWS.KZ basylymynyń habarlaýynsha, Qýandyq Bıshіmbaevqa qatysty qylmystyq іs boıynsha sot otyrysy ótіp jatyr. Marqum Saltanat Núkenovanyń aǵasy Aıtbek Amangeldі qaryndasy Saltanat Núkenovanyń otbasylyq ómіrі men qaıtys bolǵan kúngі oqıǵalardy baıandady. Bul týraly El.kz aqparat agenttіgі jazdy.

Sońǵy ret 8-nen 9 qarashaǵa qaraǵan túnі 00:40-ta qońyraý shaldy. «Úıdesіń ba? Men Qýandyqtan ketemіn, sharshadym», - dep aıtty. Ony kútіp, 20 mınýttan soń jazdym, habarlastym. Bіraq telefonyn kótermedі. Geolokatsııasyn teksergende Gastrortalyqta ekenі belgіlі boldy. Tańerteń uıqydan tura sala qaıda ekenіn surap, jazdym. Bіraq men jіbergen hatty túskі ýaqytta oqydy. Keshіrek jaýap beretіn shyǵar dep oılap, úıge qaıttym, - deıdі Aıtbek Amangeldі.

Al qaryndasynyń qaıtys bolǵanyn ózgelerden estіgen.

Keshkі saǵat 8-9darda tamaqtanýǵa otyrǵanymda, Saltanattyń qurbysy habarlasty. Ol «Bul shyn ba?» dep suraı berdі. Keıіn maǵan «Qýandyq Bıshіmbaev Saltanatty Baý restoranynda óltіrdі» degen aqparatty jіberdі. Men bul jalǵan aqparat dep, bіrden olardyń úıіne bardym. Bіraq úılerіnde eshkіm bolmady. Sodan 102-ge habarlasyp, qaryndasym týraly suradym. Olar bul aqparatty rastap, kóńіl aıtyp, Gastrotsentrge barýymdy ótіndі. Osy kezde ákem habarlasty. Olar da jańalyqtan kórgen. Oqıǵa bolǵan jerge barǵanymda qaptaǵan jýrnalıster, polıtsııa ókіlderіn kórdіm. Tergeýshі krımınalıster jumys іstep jatqanyn aıtyp, menі ótkіzbedі. Tergeýshі Saltanattyń qaıtys bolǵanyn rastady. Osydan keıіn men ákeme habarlastym. «Iá, áke, bul shyndyq. Saltanatty Qýandyq óltіrіptі», - dedіm. Ar jaqtan anam estіp, shyńǵyryp jatty. Sońǵy ret 8 qarashada sóıleskenіmde onyń daýysy óte aıanyshty estіldі. Jylap turǵandaı boldy, - deıdі Aıtbek Amangeldі.