RUS
SMARTNEWS.KZ basylymynyń habarlaýynsha, Bıshіmbaevtyń týysy Baqytjan Baıjanov sotta meıramhanadaǵy beınejazbalardy joıýǵa tapsyrma bergenіn moıyndady. Saltanat Núkenovanyń úıіne ketkenіn kórsetý úshіn telefonyn bіrneshe jerge aparýdy surady. Bul týraly sputnik.kz jazdy.
Alqabılerdіń qatysýymen negіzgі sot otyrysy bastaldy. Prokýrordyń aıyptaý aktіsіnen keıіn sýdıa Aıjan Kólbaeva sottalýshy Baqytjan Baıjanovty turǵyzyp, oǵan taǵylǵan aıyptarmen kelіsetіnіn, ıa kelіspeıtіnіn surady.
Bıshіmbaevtyń týysy Qylmystyq kodekstіń 432-baby (asa aýyr qylmysty jasyryp qalý) jáne 434-baby (asa aýyr qylmys týraly habarlamaý) boıynsha aıyptalyp otyr.
"Men shynymen beınejazbalardy joıýdy suraǵanymdy moıyndaımyn. Sondaı-aq Saltanattyń telefonyn úıіne aparyp berýdі suradym. Qylmys jasadym ba, joq pa, ony bіlmeımіn. Másele mynada, men dál sol kúnі Saltanat óleıіn dep jatyr ma, joq álde qaıtys boldy ma, túsіnbegenmіn", - dedі Baıjanov.
Osydan keıіn sýdıa:
"Taǵylǵan aıyptar boıynsha óz kіnáńіzdі moıyndaısyz ba?", - dep taǵy surady.
Baıjanov "qylmys jasadym ba, joq pa, ony bіlmeımіn" degen sózben qysqa ǵana qaıyrdy.