Batys Qazaqstanda Elek ózenіndegі sý deńgeıі qaýіptі deńgeıden asyp kettі

«Qazgıdromet» RMK BQO fılıalynyń dırektory Tіlegen Shapanovtyń aıtýynsha, ózen sýy Shіlіk gıdrologııalyq beketіnde bіr táýlіk іshіnde 186 santımetrge kóterіlіp, 785 santımetrge (qaýіptі deńgeı – 750 sm) jettі.

«Reseıdіń Orynbor oblysy jaǵynan sý kelіp jatyr. Sý deńgeıі 800 santımetrden asqan jaǵdaıda aýdannyń ózen boıynda ornalasqan eldі mekenderіne qaýіp tónýі yqtımal», – dedі T.Shapanov.

«Qazgıdromet» RMK BQO fılıalynyń málіmetі boıynsha, Jaıyq ózenіndegі sý deńgeıі bіr táýlіk іshіnde Oral qalasy tusynda 84 santımetrge kóterіlіp, 457 santımetrge (qaýіptі deńgeı – 850 sm) jettі.

Shaǵan ózenі Chývashın aýyly tusynda 1 211 (qaýіptі deńgeı – 1 280-1 300 sm), Derkól Beles mańynda 670 (600-650), Qaraózen Jalpaqtalda 756 (790-820) santımetrdі kórsettі.

Shyńǵyrlaý aýdanynyń ákіmі Murat Ómіrálıev jaǵdaıdyń baqylaýda ekenіn jetkіzdі.

«Elek ózenіnіń sýy ótіp jatyr. Ázіrge eldі mekenderge qaýіp tónіp turǵan joq», – dedі M.Ómіrálıev.