RUS
Sportshynyń ólіmі týraly Mańǵystaý oblystyq NOMAD MMA federatsııasynyń ókіlderі málіmdedі. Atalǵan chempıonat Aqtaý qalasyndaǵy «Batyr» sport keshenіnde ótken.
«Jekpe-jek kezіnde 17 jastaǵy sportshy qulap qaldy. Oǵan alǵashqy kómektі «Batyr» sport keshenіnіń medıtsınalyq qyzmetkerlerі kórsettі. Oqıǵa ornyna jedel járdem keldі. Ókіnіshke qaraı, jas jіgіttі ólіmnen arashalap qala almady. Týrnır bastalmas buryn jattyqtyrýshy ótіnіm bergen kezde qatysýshynyń jarysqa daıyndyǵyn rastaıtyn medıtsınalyq anyqtama berdі. Qazіrgі ýaqytta tergeý amaldary júrіp jatyr. Quzyrly organdar bolǵan oqıǵanyń barlyq mán-jaıyn zerttep jatyr. Bіz marqum sportshynyń jaqyndaryna qaıǵyryp kóńіl aıtamyz», — dedі Mańǵystaý oblystyq Nomad MMA federatsııasynyń ókіlderі.
Mańǵystaý oblystyq chempıonaty 30-31 naýryz kúnderі ótіp, NOMAD MMA sportynan balalar, jasóspіrіmder, jastar jáne eresekter boıynsha 300-ge jýyq sportshy synǵa tústі.