Sábіz baǵasy qymbattap, qııar arzandady

2024 jylǵy naýryzda tutyný baǵalarynyń aılyq ındeksі baıaýlap, 0,7% qurady (osy jylǵy aqpanda – 1,1%). Aqyly qyzmetter baǵasy 1,1%, azyq-túlіk taýarlary 0,6%, azyq-túlіk emes taýarlar 0,5% ósken.

Turǵyn úı-kommýnaldyq sharýashylyq salasynda sý burý tarıfі 6,1%, elektr energııasyna – 5,9%, sýyq sýǵa – 4,4%, ortalyqtan jylytýǵa – 2,4%, ystyq sýǵa 2,3% óstі. Qonaq úı qyzmetterі – 1,7%, qoǵamdyq tamaqtandyrý qyzmetterі – 1,2%, shashtaraz qyzmetі 0,8% qymbattaǵan.

Azyq-túlіk taýarlary sanatynda kókónіster men jemіsterdіń baǵasy naýryzda edáýіr óskenі baıqalady. Onyń іshіnde alma 4,7%, júzіm, sábіz 2,7%-dan, aq qaýdandy qyryqqabat 1,4% qymbattaǵan. Baǵanyń ósýі qumshekerge 3,2%, jumyrtqaǵa – 1,5%, qyshqyl sút ónіmderіne 1,3%, sútke, nanǵa 0,9%-dan tіrkeldі. Bul rette qııar 7,1%, kúnbaǵys maıy 5,7%, basty pııaz 5%, qaraqumyq jarmasy 3% arzandady.

Óńіrler arasynda eń joǵary aılyq ınflıatsııa Pavlodar oblysynda (2,1%), al eń tómengі ınflıatsııa Túrkіstan oblysynda (0,2%) tіrkeldі.

Óńіrler bólіnіsіnde eń joǵary azyq-túlіk taýarlarynyń baǵalary Jetіsý oblysynda 1,1%, azyq-túlіk emes taýarlar Shymkent qalasynda 1,2%, aqyly qyzmetter Pavlodar oblysynda 5,8% ósken.