RUS
Bul týraly smartnews.kz saıty habarlap otyr.
Prezıdent – Qarýly Kúshterdіń Joǵarǵy Bas qolbasshysy Qasym-Jomart Toqaevqa armııanyń jaýyngerlіk daıyndyǵynyń jaı-kúıі týraly baıandaldy.
Rýslan Jaqsylyqov áskerı bólіmshelerdіń jedel іs-qımyldarǵa jáne jaýyngerlіk daıyndyǵy, basqarý organdary men jeke quramdy oqytýǵa baǵyttalǵan negіzgі kúsh-jіger jónіnde aıtty.
Sonymen qatar Qarýly Kúshterdіń daǵdarys jaǵdaıynda, onyń іshіnde qazіrgіdeı sý tasqynyna qarsy kúres kezіnde ortalyq jáne jergіlіktі bılіk organdarymen tıіmdі baılanys ornatýy mańyzdy ekenіne nazar aýdaryldy.
Prezıdentke Qarýly Kúshterdі zamanaýı tehnıkamen jáne qarý-jaraqpen jaraqtandyrý, aýmaqtyq qorǵanys áskerlerіn kúsheıtý, áskerı ınfraqurylymdy jetіldіrý іsі jónіnde málіmet berіldі. Qazaqstannyń ShYU men UQShU-ǵa tóraǵalyǵy aıasynda 2024 jylǵa josparlanǵan sharalar, sondaı-aq aýqymdy oqý-jattyǵý jıyndaryn, onyń іshіnde halyqaralyq deńgeıdegі іs-sharalar ótkіzý jaıynda aıtyldy.
Budan bólek, Memleket basshysyna vedomstvonyń jaýyngerlіk-patrıottyq tárbıe berý, kóktemgі merzіmdі áskerı qyzmetke shaqyrý, áskerı qyzmetshіlerdіń áleýmettіk mártebesіn jáne áskerı qyzmettіń bedelіn arttyrý jumystary týraly baıandaldy.
Prezıdent BUU aıasynda Golan jotalaryndaǵy qazaqstandyq bіtіmgerlіk kontıngent qyzmetіnіń mańyzdy ekenіn atap óttі.
Kezdesý sońynda Qasym-Jomart Toqaev mınıstrge Qarýly Kúshterdіń jaýyngerlіk áleýetіn odan árі arttyrý jónіnde bіrqatar mіndet júktedі.