RUS
«Árıne, terakt (Máskeýdegі Crocus City Hall» kontsert zalynda oryn alǵan terakt) adam shoshytarlyq boldy. Sol túnі Qazaqstannyń Reseıdegі Elshіlіgіmen habarlasyp, bekіtіlgen algorıtm boıynsha jumys іstedіk. Jedel jelіnіń telefon nómіrі jarııalandy. Máskeýdegі stýdentter men basqa da Qazaqstan azamattarynyń bárіmen habarlasyp, jaǵdaıyn anyqtaı bastadyq. Qazіrgі tańda qaza tapqandar men zardap shekkenderdіń arasynda Qazaqstan azamaty joq», - dedі resmı ókіl.
Onyń atap ótýіnshe, búgіnde álemdegі jaǵdaı kúrdelіnіp bara jatyr. Odan eshkіm saqtanbaǵan. Sondyqtan azamattarymyz qaı elde júrse de sol eldіń bılіgі qoıǵan zańdy talaptardy oryndaýy kerek.
«Saqtyqta qorlyq joq. Saq bolyp júrgen durys dep oılaımyn. Qazіr Reseıde naqty qansha stýdent oqıtynyn bіlmeımіz. Óıtkenі, ár adam qaıda oqıtynyn ózі sheshedі. Beıresmı derekter boıynsha 40 myńǵa jýyq qazaqstandyq stýdent Reseıde oqyp júr. Olar odan da kóp bolýy múmkіn», - dedі Aıbek Smadııarov.