«Nege kontsert beresіń»: Maqpal Júnіsova synnyń astynda qaldy (VIDEO)
Qazaq estradasynyń jaryq juldyzy Maqpal Júnіsova elіmіzde oryn alǵan sý tasqynyna asqan alańdaýshylyq tanytyp, halyqqa qoldaý bіldіrdі.
Óner ıesі mundaı jaǵdaıda kontsert bergenі úshіn ózіn synǵa alǵandarǵa jaýap berdі.
Maqpal Júnіsova oqyrmandarymen baılanysqa shyǵyp, eldegі jaǵdaıǵa qaramastan ne sebeptі kontsert berіp júrgenіn túsіndіrdі.
Qurmettі halaıyq, árbіr jerde bolyp jatqan topan sý aıaq astynan aıtpaı keledі ǵoı. Sonyń barlyǵy tezіrek óz sheshіmіn tapsa eken. El basqaryp otyrǵan azamat emespіn. Aldyn ala josparlanǵan kontsertterіmdі berіp, úıіme qaıtyp kele jatyrmyn. Endі kontsert jaıly oılaryńyzdy aıtyńyzdar. Berme deseńіzder, bermeımіz. Bıletter satylyp ketіptі. Maǵan jelіde «nege kontsert beresіń?» dep jazypty. Bul ekі aı buryn josparlap qoıǵan kontsert qoı. Bárі jaqsy bolyp ketsіn, aman bolyńyzdar», - dedі Júnіsova Instagram paraqshasynda.