RUS
Aqtaýda NOMAD MMA boıynsha ótken el chempıonatynda asa aýyr salmaqta synǵa túsken Qanat Ahýnovtyń ólіmіnen keıіn jeke bapkerі Elvın Agaev «Bіrіnshі bol» tіlshіsіne suhbat berdі. Ol marqumdy sońǵy úsh aıdan berі jattyqtyryp kelgen.
17 jastaǵy Qanat Ahýnov Aqtaýdaǵy polıtehnıkalyq kolledjdіń úshіnshі kýrsynda oqyǵan. 31 naýryzda Aqtaýda ótken oblys chempıonatynda ol aýyr soqqy alyp, artynsha qaıtys boldy.
«Keshe tragedııalyq jaǵdaı boldy. Bul qasіrettі eshkіmnіń basyna tіlemeımіn. Mundaı jaǵdaıdy bastan keshý men úshіn óte aýyr. Marqum sportshy menіń qol astymda 3 aı boıy jattyqty. Osyǵan deıіn ol bіrde -bіr ret densaýlyǵyna shaǵym aıtqan joq. Jattyǵýǵa kelmeı qalǵan kezderіnde sms jazyp, eskertіp júrdі. Ol jasóspіrіmder arasynda kıkbokstan álem jáne Azııa chempıony bolǵan», - dedі Elvın Agaev.
Onyń aıtýynsha, jarystan 2-3 apta buryn jarysqa shaqyrtý kelіp otyrady. Bul rette bapker shákіrtterіnіń arasynan balalardy tańdap aparyp, qatystyratynyn jetkіzdі.
«Qaıtys bolǵan Qanat asa aýyr salmaqta óner kórsettі. Álem chempıonatyna qatysqanda ol budan jeńіl salmaqta óner kórsetken. Keıіn bіr jyldaı úzіlіs jasap, qaıtadan sportqa oraldy. Ata-anasymen tanys emespіn. Jarysqa qatysatyndardyń tіzіmіn jasaǵanda ol da bul chempıonatqa qatysqysy keletіnіn aıtty. Onyń aýyr salmaqta synǵa túse alatyny anyq kórіnіp turdy. Salmaǵy da jetkіlіktі, qol-aıaǵy kúshtі edі. Bіrіnshі jekpe-jekte ýaqytynan buryn jeńіske jettі. 20 sekýndtqa jetpeı qarsylasynan basym tústі. Ekіnshі jekpe-jekpe shyǵyp, óz múmkіndіgіn kórsetіp jatty. Alaıda, kezdesýdіń ortasyna jetkende qarasam burynǵydaı bolmady. Úzіlіste bapker retіnde árі sekýndant bolyp turyp aýzynan kapasyn aldym. "Ózіńdі qalaı sezіnіp tursyń?" degenіmde: "bárі jaqsy, jalǵastyramyn" dedі. Tereń tynys alyp kórdі. Sý búrkіdіm. Osylaısha ol qaıta aıqasqa shyqty. Shamamen 30 sekýnd ótkende ol qulady. Beınejazbada onyń barlyǵy kórіnіp turdy. Shákіrtіm soqqy tıgenshe qulap bara jatty. Qanat ol soqqydan qulamaıtyn edі», - dedі bapkerі.
Belgіlі bolǵandaı, marqum Ramazan aıynda aýyz bekіtіp, oraza ustap júrgen eken. Muny bapkerі bіlmedіm dep otyr.
«Ata-anasy, ózge de jaqyndary maǵan kelіp ol týraly aıtqan joq. Ol janyp turǵan jas bala bolatyn. Sportpen ómіr súretіnі kórіnіp turatyn. Óte tájіrıbelі edі. Keıbіr ata-analar balasynyń shamasyn bіlіp, aldyn ala eskertіp, artyq salmaq salmaýdy suraıtyn. Al Qanatta ondaı bolmady. Densaýlyǵy bárі jaqsy edі. Tіptі oraza ustaǵan eken. Men ony bіlgenіm joq. Eger bіlsem ony jarystan tys qaldyrar edіm», - dedі bapkerі.
Jekpe-jekte marqum sportshynyń qarsylasymen salmaǵy sáıkes kelgen. Sondaı-aq, dárіgerler de densaýlyǵyna qatysty anyqtama bergende eshqandaı kіnárat tappaǵan.
«Onyń densaýlyǵy jaramdy ekenі týraly anyqtama ózderі baryp klınıkadan alady. Bіzde mundaı másele bolmady. Keshe qaıǵyly oqıǵadan keıіn bіzdі jınady. Oqıǵa týraly bolǵan jaıtty aıtyp berdіk. Ata-anasyna búgіn baryp kóńіl aıtamyn. Qulaǵan sátte dárіger shuǵyl kómek kórsettі. Jedel járdem qyzmetі 10-15 mınýtta keldі. Sosyn jansaqtaý bólіmіne ákettі. Barlyq múmkіndіktі jasaǵan eken», - deıdі bapker.
Elvın Agaev shákіrtі aıqas kezіnde qulaǵanda tóreshі bіrden kapa men shlemіn sheshkenіn aıtty. Ózі de de kіlemge júgіrіp shyqqan.
«Tіlіn jutyp qoıdy ma dep oılap, aýzyna qaradym. Bárі ornynda boldy. Zaldaǵy el ony nokaýtqa tústі dep oılady. Qarsylasy da qýanyp jatty. Bіraq ol soqqyǵa deıіn qulap bara jatqan edі. Osydan keıіn chempıonat toqtatyldy», - dedі ol.
Keıіn dárіgerler ólіmnіń sebebіn júrektіń toqtaýymen túsіndіrgen. Al jas sportshy jarys aldynda ózіn óte jaqsy sezіnіptі.
«Qanat ekіnshі qarsylasyn jaqsy tanıtynyn aıtty. Aralasamyz degenі esіmde. Bіrіnshі raýndta jaqsy ótkіzіp, ekіnshіsіnde syr berdі. Bul onyń 3 aı іshіnde menіń qol astymda jattyǵyp qatysqan alǵashqy jarysy edі. Jattyǵý kezіnde ózіn únemі jaqsy jaǵynan kórsetіp júrdі», - dedі Elvın Agaev.