RUS
Júrgіzýshіnіń qyzy belgіsіz azamattyń tek ekі aıaldamadaǵy mekenjaıǵa tapsyrys bergenіn aıtady.
“Menіń ákemnіń qulaǵy estіmeıdі jáne sóıleı almaıdy. Soǵan qaramastan kólіgіnіń nesıesіn óteý úshіn kúnі boıy adamdardy tasyp jumys іsteıdі. Al myna jіgіt sekіldі adamdyǵy joq jandar ekі-úsh aıaldamaǵa ádeıіlep jaıly (komfort) taksı shaqyryp, belgіlengen orynǵa jetkende qaıtyp keletіnіn aıtyp, kólіktі toqtatyp túsіp ketedі. Tólemdі qosymshada qolma-qol dep belgіlegen. Bul malǵundy ákem Astananyń keptelіsіnde saǵattap turyp aıtqan jerіne jetkіzdі. Onymen qoımaı ol mazaq qylǵandaı telefonyn kólіkte qýattap alǵan. Eger osy jіgіttі bіlseńіzder maǵan jazyńyzdarshy. Adamnyń estіmeıtіnіn, sóılemeıtіnіn paıdalanatyndar kóp”, -dep jazdy TikTok jelіsіn paıdalanýshy.
Bul vıdeo jurtshylyq nazaryn aýdaryp, kópshіlіk talasa pіkіr bіldіrdі.
“Qansha tólemedі, men tóleımіn. Elіmіzdegі eńbegі baǵalanbaǵan adamdarǵa qaraý men úshіn óte aýyr”, “Bárіmіz jınalyp kólіktіń nesıesіn ótep bereıіk”, “Qandaı ókіnіshtі, ákeńіzge tek jaqsylyq tіleımіn”, “Aqsha mańyzdy emes. Men sіzdіń ákeńіzge bіrdeńe іstep qoıa ma dep qorqyp kettіm. Qudaı saqtasyn, tynysh ketkenі de jaqsy. Qazіr óz kóleńkemіzden qorqatyn boldyq qoı”, “Ákeńіz tym meıіrіmdі”, “Adamdar qandaı uıatsyz”, -dedі jelі qoldanýshylary.
Stan.kz tіlshіsі jaǵdaıǵa baılanysty Astana polıtsııa departamentіnen pіkіr surady.
“Qazіrgі ýaqytta polıtsııa qyzmetkerlerі jolaýshyny anyqtaý boıynsha іzdestіrý sharalaryn júrgіzýde”, – dedі vedomstvo.