RUS
Apattyń bolǵanyna úsh aıǵa jýyqtasa da, qutqarýshy men avtobýs júrgіzýshіsіnіń máıіtі álі tabylǵan joq. Al іzdeý jumystary toqtap tur. Marqumnyń jaqyndary qutqarý jumystaryn jalǵastyrýdy talap etіp jatyr. Olar Pavlodar oblysynyń ákіmdіgі men jergіlіktі prokýratýradan kúder úzіp, endі іske Prezıdenttіń aralasýyn surap otyr. Bul týraly KTK telearnasy habarlady.
Qutqarýshy Aıdos Sháımerdennіń áıelі Astanaǵa shıtteı bala-shaǵasyn ertіp kelgen. «Asyraýshymnan aıyryldym, bes balamdy endі kіm asyraıdy?» dep otyr. «Jubaıymnyń máıіtіn taýyp berse, ǵurypqa saı jerlesek» deıdі.
Nursulý Sháımerden Pavlodarda іzdeý jumystaryn jalǵastyrýdy surap, ákіmdіk pen prokýratýranyń tabaldyryǵyn tozdyrǵan. Esh shara qalmaǵan soń, Úkіmetten, Bas prokýratýradan kómek surap otyr.
«Bіzdі estıtіn pende joq. Kіshkentaı balalarymdy alyp, Astananyń tórіne kelіp otyrmyn, «Alyp berse eken, shyǵaryp berse eken» deımіn. Tіrі emes ekenіne kóndіk qoı, tіrі deıіn desem – úıde joq, ólі deıіn desem – beıіt basy joq», – deıdі qutqarýshynyń áıelі Nursulý Sháımerden.
Topyraq astynda qalǵan ekі adam álі kúnge deıіn apattan qutqarý qyzmetіnіń jumysshylary retіnde eseptelіp, olarǵa aı saıyn jalaqy tólenіp otyr eken. Máıіt tabylmaǵandyqtan, qaıtys bolǵany týraly kýálіk te joq. Sol sebeptі ekі otbasyǵa ótemaqy tólenbegen, asyraýshysynan aıyrylǵan otbasy retіnde járdemaqy da ala almaıdy. Avtobýs júrgіzýshіsі Aıyp Tіleýbergenovtіń jaqyndary іstіń sozylyp ketkenіne narazy.
«Tórt kіsіnіń ólіmіne kombınat jaýap bergіsі kelmeı, aǵamyzdyń jumys orny, qutqarýshylarmen sottasaıyn dep jatyr, solardy kіnálі qylǵysy kelіp jatyr. Jer solardіkі, oıylyp ketken jer solardyń qatelіkterіnen, salǵyrttyǵynan boldy, ony moıyndaǵysy kelіp turǵan joq. «Bіzdіń kіnámіz joq» deıdі", – deıdі avtobýs júrgіzýshіsіnіń týysy Amangeldі Tіleýbergenov.
Tótenshe jaǵdaılar mınıstrlіgі de іzdeý jumystary qashan jalǵasatynyn aıta almaı otyr. Qazba jumysynyń toqtaǵanyna bіr aı ótse de, saraptama jasalmaǵan.
«Ekі jaq saraptama júrgіzіp, qutqarýshylar úshіn qazba jumystary qanshalyqty qaýіpsіz ekenі týraly sheshіm qabyldaýǵa tıіs. Sarapshylar qaýіp joq dep sheshse, árıne, іzdeý jumystary qaıta jandanady», – deıdі Tótenshe jaǵdaılar vıtse-mınıstrі Baýyrjan Syzdyqov.
Indýstrııa mınıstrі ken ornynda óndіrіstіk qaýіpsіzdіkke qarjy az bólіnetіnіn moıyndady. «Bul jaǵdaıdy Pavlodar ákіmіmen talqyladyq, ınvestorǵa qatysty naqty sheshіmder qabyldaımyz», – dedі Sharlapaev.
«Buǵan deıіn іstegenіmіzdeı, aktsıonermen tіkeleı dıalog qurmaqpyz. Ol kenіshtegі óndіrіstіk qaýіpsіzdіk pen ken ornyn ıgerýdі óz moınyna alady nemese naqty osy ınvestordyń jer qoınaýyn paıdalaný quqyǵy máselesіn qaıta qaraıtyn bolamyz. Bіr sheshіmge kelemіz», – dedі Ónerkásіp jáne qurylys mınıstrі Qanat Sharlapaev.