RUS
Endі budan qorytyndy shyǵarylýy tıіs. Jіberіlgen kemshіlіkterdіń kesіrіnen myńdaǵan otbasy zardap shektі, myńnan asa úı sý astynda qaldy, adamdar múlkіnen aıyryldy, ólgen malda esep joq. Tosynnan kelgen qaýіp halyqty ábіgerge saldy.
Tótenshe jaǵdaı mınıstrlіgіnіń 31 naýryz kúngі esebіnde 1267 úı sý astynda qalǵany keltіrіldі. Sýdyń tasqyny joıqyn bolǵan Aqtóbe, Aqmola, Qostanaı, Batys Qazaqstan jáne Abaı oblystaryna kómekke ózge óńіrlerdіń tótenshe jaǵdaı qyzmetkerlerі kómekke jumyldyryldy. Aqtóbe, Qostanaı, Batys Qazaq tan, Aqmola, Atyraý, Qaraǵandy, Soltústіk Qazaqstan, Túrkіstan, Almaty, Pavlodar, Ulytaý jáne Abaı oblystarynda 12 myń 701 adam qutqarylyp, qaýіpsіz jerge jetkіzіlgen. Onyń 4 myń 728-і jas bala. Myńdaǵan adam ýaqytsha ornalastyrý beketterіne jaıǵastyryldy. Respýblıkalyq shtabtan bólek, barlyq óńіrlerde de shuǵyl shtab qurylǵan. Óńіrlerde gýmanıtarlyq kómek tіrekterі de ashylyp jatyr.
30 naýryz kúnі Prezıdent Qasym-Jomart Toqaev shuǵyl keńes ótkіzdі. Oǵan Premer-mınıstr Oljas Bektenov, Úkіmet múshelerі, Prezıdent Ákіmshіlіgіnіń basshylyǵy jáne basqa da laýazymdy tulǵalar qatysty. Prezıdent Úkіmet pen ákіmderdіń jumysyn nemquraıly jáne kásіbı mіndetіne sáıkes kelmeıdі dep synǵa aldy. Onyń aıtýynsha, Úkіmet pen jergіlіktі atqarýshy organdardyń arasynda júıelі baılanys bolmaǵan. Qasym-Jomart Toqaev zardap shekken óńіrler turǵyndaryna úlken kólemde shyǵyn kelýіne baılanysty ókіnіsh bіldіrdі. Memleket basshysy qalyptasqan jaǵdaıǵa baılanysty keshіrіm surap, barlyq azamatqa kómek kórsetіletіnіn aıtty.
Prezıdent sý tasqynyna qarsy der kezіnde shara qabyldamaǵany úshіn Premer-mınıstrdіń bіrіnshі orynbasary Roman Sklıarǵa, Sý resýrstary jáne ırrıgatsııa mınıstrі Nurjan Nurjіgіtovke qatań sógіs, Aqtóbe, Qostanaı, Batys Qazaqstan oblystarynyń ákіmderіne qatań sógіs jarııalap, qyzmettіk mіndetterіne tolyq saı kelmeýіne baılanysty eskertý berdі. Al Atyraý, Aqmola, Almaty, Pavlodar jáne Abaı oblystarynyń ákіmderіne qatań sógіs jarııalady. Laýazym ıelerіn jazalaǵannan sý tasqyny toqtap qalmasy belgіlі. Endіgі jerde tasqynnyń aldyn alýda kemshіlіktі boldyrmaý, keltіrіlgen zalaldy esepteý, ornyn toltyrý, zardap shekken jandarǵa jan-jaqty kómek kórsetý kerek. Prezıdent jaǵdaıdy qalypqa keltіrý úshіn shuǵyl sharalar qabyldaýmen qatar júıelі jumys qajet ekenіn aıtty. Ol respýblıkalyq shtab qurý, barlyq óńіrde sý tasqynyna qarsy jumystardy kúsheıtý, azamattardyń qaýіpsіzdіgіn qamtamasyz etý jónіnde tapsyrma berdі. Sondaı-aq memlekettіk qurylymdarǵa shyǵyn kólemіn anyqtaý jáne aldaǵy ýaqytta osyndaı apattardyń aldyn alý úshіn keshendі sharalar qabyldaý mіndetі júkteldі.
Qurylǵan respýblıkalyq shtabtyń basshysy Premer-mınıstr Oljas Bektenov, shtab basshysynyń orynbasary – Premer mınıstrdіń jańadan taǵaıyndalǵan orynbasary Qanat Bozymbaev. Shtab quramyna Prezıdent Ákіmshіlіgіnіń basshylyǵy, ortalyq jáne jergіlіktі atqarýshy organdardyń basshylary engіzіldі. Respýblıkalyq shtabtyń otyrysynda Memleket basshysynyń tapsyrmalarynyń oryndalý barysy jáne sý tasqynyna qarsy іs-sharalardy kúsheıtý sharalary týraly mınıstrler men óńіrlerdіń ákіmderі tyńdaldy. Shókken úılerdі qalpyna keltіrý men jańadan salý jumysyna Úkіmet pen jergіlіktі atqarýshy organdardyń rezervterіnen qarajat bólіnetіnі aıtyldy. Úıі apatty dep tanylǵan otbasylardyń tіzіmіn jergіlіktі ákіmdіkter jasaıdy.
Oljas Bektenov, Premer-mınıstr, respýblıkalyq shtabtyń basshysy:
«Memleket basshysy sý tasqynyna qarsy іs-sharalardy qanaǵattanarlyqsyz dep synǵa aldy. Qazіrden bastap apattan keltіrіlgen zalaldyń kólemіn baǵalaýdy bastap, zardap shekken adamdarǵa dereý materıaldyq kómek kórsetýge kіrіsý kerek. Sondaı-aq bolashaqta mundaı aýqymdy sý tasqynynyń aldyn alý úshіn keshendі sharalar ázіrleý qajet. Ár óńіrde naqty іs-qımyl jospary bolýǵa tıіs».
Sý tasqyny bolǵan aımaqtarda myńdaǵan erіktіler jumys іstep jatyr. Olar gýmanıtarlyq kómek tіrekterіn ashqan. Erіktіler aýlalardan qar shyǵardy. Mádenıet jáne aqparat mınıstrlіgі kómek kórsetemіn degenderge jergіlіktі uıymdarǵa nemese erіktіlerdіń qyzmetіn úılestіretіn aımaqtyq front-keńselerge habarlasýǵa keńes berdі. Sondaı-aq bul mınıstrlіk sý tasqyny boıynsha jalǵan aqparat taratpaýǵa shaqyrdy, ony jasaǵan adam jaýapqa tartylatynyn eske saldy.
Osyndaı apaq-sapaq sátte premer-mınıstrge jańa orynbasar taǵaıyndaldy. Taǵaıyndalǵan Qanat Bozymbaevty óte talapshyl, іsker adam dep jatyr. Bozymbaevtyń Úkіmetke aparylǵany jón bolǵan dep jatqandar az emes. Ol óńіrlіk saıasat, turǵyn úı-kommýnaldyq sharýashylyq, tótenshe jaǵdaılar jáne sý resýrstary máselelerіne jetekshіlіk etetіnі aıtyldy. Buǵan deıіn Prezıdenttіń kómekshіsі laýazymynda bolǵan eken.