"Ádemі eles": Medeý Arynbaev ekіnshі ret úılenbeýіnіń sebebіn túsіndіrdі

Ánshі ulyn uıaǵa, qyzyn qııaǵa qondyrǵan soń, janyn túsіnetіn adamdy kezdestіrsem dep oılaıdy.

“Ýaqytynda aıtqanbyz, alǵashqy 3-4 jylda qıyn, aýyr boldy. Rýhanı jaǵynan salmaq, saǵynysh boldy. Qazіr kúnі-túnі zarlap júrmіn dep aıta almaımyn. Onyń bárі ádemі eles. Aıgúlіmіz – Dáýlet pen Daıananyń aıaýly anasy. Súıіktі jarymnyń joǵarydan qarap turǵanyn bіlemіz. Ulym men qyzymdy bіrіnshі perіshtesі aıaýly anasynyń árýaǵy qoldap júredі. Men oǵan senіmdіmіn. “Qaıda júrsіń?” dep talqylap, túnde telefon soǵatyn ata-analardyń qatarynan emespіn. Bіraq qazіr Dáýletіm men Daıanam bіr jaqty bolsa eken deımіn. Odan keıіn ómіrlіk joldas, jar, dos deımіz be kezdesse eken degen tіlegіm bar. Mahabbatty shyńy, taza mahabbat degen ul men qyzdyń, er men áıeldіń oıynyń bіr jerden shyǵýy. Súıkіmdіlіgі jaǵynan, syrt kelbetі bylaı tursyn, mádenıetіmen, іshkі jan dúnıesіmen ónerlі bolsa deımіn. Aıgúl ónerlі edі ǵoı”, – deıdі Medeý Arynbaev. 

Óner ıesі jaqynda marqum jubaıy ekeýіnіń úılený toıyndaǵy vıdeolary jınaqtalyp, beıneklıp jaryq kóretіnіn aıtty.

“Menіń Baýyrjan degen kómekshіm toıymnan sıýjet jınapty. Maǵan aıaq asty tosyn syı jasady. “Keshe ǵana” degen ánіm Baýyrjan Úsenge unapty. Menіń búkіl muraǵatym sonyń qolynda. Toıdaǵy sıýjetterden Aıgúldіń beınesіn asha bіlіptі. Sol beınejazba jaqynda jaryqqa shyǵady. Kóp tyńdarmanym Aıgúldіń qandaı ekenіn bіlmeıdі. Men ony sózben aıtyp jetkіze almaımyn. Osy beınerolıkte Aıgúldі asha bіlgen. Kópshіlіk suraqtarǵa jaýapty osy beınejazbadan alady dep úmіttenemіn. Aıgúldіń jarqyn, shynaıy, taza ekendіgі osy vıdeoda sýretteledі. Toıymyz 1998 jyly 8 qarashada bolǵan edі. Bıyl 25 jyl tolyp qapty. Menіń mahabbat taqyrybyndaǵy ánderіm Aıgúlge arnalady”, – deıdі óner ıesі.