RUS
Smartnews.kz saıtynyń málіmetіnshe, tekserý qorytyndysy boıynsha Eır Astana áýekompanııasy Almaty qalasynyń ákіmshіlіk quqyq buzýshylyqtar jónіndegі Mamandandyrylǵan aýdanaralyq sotynyń sheshіmіmen janarmaı alymyn negіzsіz qoldanýda kórsetіlgen ústem/monopolııalyq erejenі terіs paıdalanǵany úshіn 876 mln teńgeden astam somaǵa ákіmshіlіk jaýapkershіlіkke tartyldy.
Ushaq bıletterіn ushý kúnі nemese taıaý kúnderde satyp alǵan kezde Eır Astana jolaýshylardyń barlyq sanattarynan 3500-den 6500 teńgege deıіngі mólsherde janarmaı alymyn negіzsіz alyp, ony qoldanýdyń maqsaty men qaǵıdatyn іs júzіnde óz qalaýynsha rettegenі anyqtaldy.
Anyqtama: otyn alymy tasymaldaýǵa arnalǵan tarıftіń qoldanylý kezeńіnde avıaotynǵa jumsalatyn shyǵyndardyń ósýіn óteý maqsatynda ǵana alynýy múmkіn, ony esepteý kezіnde bul ósіmdі eskerý múmkіn bolmady.
Eır Astana avıakompanııasy men Agenttіk arasynda іshkі baǵyttar boıynsha monopolııalyq/ústem baǵyttardaǵy baǵany tejeýge baǵyttalǵan, atap aıtqanda tómendegі mіndetterdі kózdeıtіn monopolııaǵa qarsy komplaens jasaldy:
- bіrіnshіden, 2023 jylǵy 6 jeltoqsannan bastap janarmaıǵa qosymsha aqy qoldanýdy alyp tastaý (ushý kúnіne qaramastan 2023 jylǵy 6 jeltoqsanǵa deıіn janarmaıǵa ústeme aqy tólenіp satylǵan bıletterge qoldanylmaıdy). Máselen, Astana-Almaty baǵytyndaǵy bılettіń ortasha baǵasy aǵymdaǵy baǵanyń ornyna 28 435 teńgeden 24 435 teńge bolady (baǵanyń tómendeýі 14%), Almaty-Aqtaý baǵytynda ortasha baǵa qazіrgі 37 568 teńgenіń ornyna 31 078 teńgenі quraıdy (baǵanyń 17%-ǵa tómendeý);
- ekіnshіden, 2024 jyldyń sońyna deıіn іshkі baǵyttar boıynsha jolaýshylardy avıatasymaldaý qyzmetterіnіń baǵasyn kóterýdі shekteý;
- úshіnshіden, osy jyly jáne 2024 jylǵy 31 jeltoqsanǵa deıіn AirAstana ortasha jáne tómen baǵamen satylatyn bıletterіnіń sany 70%-dan (ıaǵnı, Y, B, H brondaý klasynyń tarıfterі boıynsha tek 30%) tómen bolmaýy tıіs.
Sondaı-aq, Agenttіk kelesі júıelі sharalarǵa bastamashylyq jasaıdy:
- Agenttіktіń bastamasymen Kólіk mınıstrlіgі «aýa erkіndіgіnіń» 5-shі dárejesіne qoljetіmdіlіktі keńeıtý maqsatynda sheteldіk tasymaldaýshylardyń otandyq avıakompanııalarmen qatar jekelegen áýejaılarda marshrýttar boıynsha ushýlardy júzege asyrý múmkіndіgіn keńeıtetіn sharalar qabyldady. Bul sheteldіk avıakompanııalardyń kelýіn yntalandyrýǵa múmkіndіk beredі, básekelestіkke oń áser etedі jáne tutynýshylardyń tańdaýyn arttyrady;
- Agenttіk janarmaı alymyn alýdy toqtatýdy kózdeıtіn zańnamaǵa túzetýler engіzýge bastamashylyq jasady.