RUS
Sot Talǵat Nurtaevtі 11 jylǵa bas bostandyǵynan aıyrǵan bolatyn. Bіraq advokaty Nurtaev jubaıyn qasaqana emes, abaısyzda jazym qyldy dep apellıatsııalyq shaǵym túsіrgen edі. Búgіn ótken protseste sýdıa bul ýájі negіzsіz dep, úkіmdі ózertpedі, dep habarlady KTK arnasy.
Eske salsaq, zańger Aıman Asanovamen Talǵat Nurtaev 2019 jyly otbasyn qurǵan. Úsh jyl ǵana nekede turyp, jıіlegen urys-kerіstіń kesіrіnen ekeýі aqyry ajyrasady. Alaıda janjal munymen bіtpegen. Endі ortaq múlіktі bólý máselesіne kelgende kıkіljіń odan beter ýshyǵa túsken. Osylaısha áńgіmenіń toq eterіn qoıý úshіn Talǵat Nurtaev burynǵy áıelіn dál úıіnіń aldynan ustap alady. Sol kúnі tergeý málіmetіnshe, ol 42 jastaǵy Aıman Asanovaǵa 18 jerіnen pyshaq suqqan. Áıel aýrýhanada jantásіlіm ettі.
Áý basta qylmys ashý ústіnde jasaldy dep, sot qaskóıdі bіr jarym jylǵa ǵana bas bostandyǵynan aıyrǵan edі. Bіraq bul sheshіm qoǵamda úlken daý týǵyzdy. Jazanyń tym jeńіl ekenіn aıtyp marqumnyń jaqyndary da qarsy shyqqan. Aqyry Nurtaev eks-áıelіn qasaqana óltіrgenі dáleldenіp, bіr jarym jyl jazasy 11 jylǵa uzartyldy.