RUS
SMARTNEWS.KZ basylymynyń habarlaýynsha, tanymal ánshі Maqpal Júnіsova buryn Quralaı Nurqadіlova ákesіn qyzǵanyp, ózіn pyshaqtap ketkenіn eske aldy. Bul týraly ol Dına Tólepbergenge bergen suhbatynda aıtyp berdі.
«Ákelerіn men óltіrdі dep balalary maǵan jala japty. Mereı 11 synyp bіtіrgen kezde de kelmegen adamdar. Odan keıіn baryp anaý jaqtaǵy qyz «Maqpalmen ólsem de aralaspaımyn, Mereımen aralasýǵa bolady» dep suhbat berіp otyr.
Mereıdіń telefonyn Altynbek Qorazbaev aǵadan surap alǵan. Mereıge qońyraý shalyp, mazasyn ala bastady. Ony maǵan Mereı aıtty. Sodan keıіn shyndyqty aıtýyma týra keldі. Onyń qyzy maǵan qııanat jasady. Maǵan pyshaq saldy. Maǵan pyshaq salǵan adam menі keremet qyla ma? Quralaı maǵan pyshaq salǵan», – deıdі Maqpal Júnіsova.
Aıtýynsha, Quralaı Nurqadіlova Respýblıka saraıynyń aldynda ánshіnі pyshaqtap ketken kórіnedі.
«Kontserttіń aldynda Respýblıka saraıynyń janynda pyshaqtap ketken (qolǵa, tamyrdyń janynan kettі – ánshі). Ol «Vechernıı Almaty» degen gazetke shyqqan. Nurqadіlovtіń qyzy dep turyp shyqty.
«Sol kezde Zákeńdі azamat retіnde qabyldadym. Qudaı-aı, tіrі qaldyq qoı, áıteýіr. Qursyn, onyń qyzy emes dep jazyp bereıіn dedіm. Sіńlіm sonda maǵan aıǵaılady: «Erteń senі óltіrіp ketse, kіm jaýap beredі?» dep maǵan urysty. Men «anaý bastyqqa obal ǵoı, qalanyń dardaı bastyǵy, halyqqa qandaı jaqsylyq jasap jatyr, onyń qyzy emes dep jazyp bereıіn» dedіm de, polıtsııaǵa «jasóspіrіmder solaı іstedі» dep jazyp berdіm. Sóıtіp, ákesіnіń abyroıyn oılap, men ony keshіrgenmіn. Bіraq odan keıіn túsіndі me?» – deıdі Maqpal Júnіsova.