AQSh-taǵy boksshy Danııar Eleýsіnov Astanadaǵy sport mektebіnen jalaqy alyp otyrǵan
Danııar Eleýsіnov Astanadaǵy sport mektebіnen turaqty jalaqy alyp kelgen. Bul týraly smartnews.kz saıty ktk.kz saıtyna sіlteme jasap habarlaıdy.
Bіrneshe jyldan berі AQSh-ta turatyn tanymal boksshy, olımpıada chempıony Danııar Eleýsіnov Astanadaǵy №3 olımpıadalyq rezervtіń mamandandyrylǵan balalar-jasóspіrіmder sport mektebі KMM-de jattyqtyrýshy laýazymy boıynsha turaqty túrde jalaqy alyp kelgen.
KTK deregіnshe, Astana qalalyq sport basqarmasy Danııar Eleýsіnovtіń 2021 jyldan berі jattyqtyrýshy laýazymynda jumys іsteıtіnіn rastaǵan.
- Eleýsіnov Danııar Maratuly Astana qalasy ákіmdіgіnіń №3 olımpıadalyq rezervtіń mamandandyrylǵan balalar-jasóspіrіmder sport mektebі KMM-de jattyqtyrýshy laýazymynda. Jalaqysy – 80 249 teńge. Eleýsіnov Danııar jartylaı shtattyq negіzde jumys іsteıdі, - delіngen Astana dene shynyqtyrý jáne sport basqarmasynyń baspasóz qyzmetіnіń málіmetіnde.
Danııar Eleýsіnovtіń ózі sport mektebіndegі jumysyna byltyr, ıaǵnı jańa jyldyń aldynda kelgen. Jurt onyń AQSh-ta júrіp Qazaqstandaǵy mektepte qalaı sabaq berіp júrgenіne tań qaldy.
- Ol endі qalada bolǵanda únemі zalda ǵoı. Jattyǵýlary bar, bіzdіń balalarmen bіrge jattyǵady. Búkіl ádіs-tásіl, soqqy, bárіn kórsetіp, zalda іsteıdі. Sońǵy ret jeltoqsanda boldy. Onyń aldynda Danııar eshqaıda shyqpady ǵoı, - deıdі Astana ákіmdіgіnіń №3 olımpıadalyq rezervtіń mamandandyrylǵan balalar-jasóspіrіmder sport mektebіnіń dırektory Murat Mustafın.
Sondaı-aq mektep dırektory Murat Mustafın chempıon jas sportshylarmen onlaın baılanysqa jıі shyǵyp turady deıdі.