RUS
Taraǵan aqparatta stýdentterdіń aty-jónі, JSN, baılanys nómіrlerіnen bólek, keıbіr medıtsınalyq qorytyndy derekterі kórsetіlgen.
Ǵylym jáne joǵary bіlіm mınıstrі Saıasat Nurbek Almatydaǵy joǵary oqý oryndarynyń bіrіnde stýdentterdіń jeke málіmetterіnіń taralyp ketýі oqıǵasyna qatysty pіkіr bіldіrdі.
«Jeke derekterdі, onyń іshіnde medıtsınalyq sıpattaǵy málіmetterdі zańsyz taratý – zań buzý áreketі sanalady. Osy oqıǵada zań buzý deregі bar ekenіn eskere otyryp, ony baqylaýǵa aldyq. Kіnálіler qoldanystaǵy zańnama aıasynda jazalanady», - dedі Saıasat Nurbek Parlament Májіlіsіnde tіlshіler suraǵyna jaýap bere otyryp.
Bul turǵyda ol jeke derekterdі qorǵaý týraly zań bar ekenіn eske saldy.
«Atalǵan oqıǵa - ákіmshіlіk quqyq buzý deregі. Bul rette, jeke málіmetterge nemquraıly qaraý jaǵdaıy bolýy múmkіn. Sondyqtan osy máselenі qatań retteý kerek», – dedі mınıstr.
Buǵan deıіn qaladaǵy ýnıversıtetterdіń bіrіnde WhatsApp jelіsіnde stýdentterdіń tіzіmі bar qujattar taralǵan. Onda qyzdardyń tolyq aty-jónіnen basqa, olardyń JSN-і, uıaly telefon nómіrі men medıtsınalyq derekterі bar.
Ýnıversıtet ákіmshіlіgі ókіlderі osy jaıtqa qatysty pіkіr bіldіrdі.
"6 aqpanda "Smart Health UniversityCity" JShS medbıkesі WhatѕArr messendjerі arqyly mehanıka-matematıka fakýltetі dekanatynyń mamany J.Smaǵulovaǵa osy fakýltettіń 3-4-kýrs stýdentterіnіń flıýorografııalyq zertteýden ótýіn qamtamasyz etý úshіn Excells formatynda tіzіmіn jіberdі. Alaıda qujattarda stýdentterdіń tegі men aty-jónіnen bólek, medıtsınalyq qupııa málіmetter de bolǵan. Keıіn messendjerlerge jіberý arqyly ýnıversıtet stýdentterіne qatysty dárіgerlіk qupııa derekter men málіmetter tarap ketken. Osy derek boıynsha 14 aqpanda ýnıversıtette qyzmettіk tekserіs taǵaıyndaldy jáne Almaty qalasynyń prokýratýrasyna prokýrorlyq den qoıý sharalaryn qabyldaýdy, stýdentterdіń quqyqtaryn qorǵaýdy qamtamasyz etýdі surap, ótіnіsh joldandy", - dep jazylǵan ýnıversıtet ákіmshіlіgі jaýabynda.