RUS
Almaty qalalyq Polıtsııa departamentі málіm etkendeı, búgіn keshkі saǵat 18:15 mınýtta № 47-shі baǵyttaǵy qoǵamdyq kólіktіń іshіndegі jolaýshy janjal shyǵaryp, júrgіzýshі áıeldі urǵan. Saldarynan ol esіnen tanyp, kólіktі basqara almaı qalǵan.
«Baqylaýdan shyǵyp ketken avtobýs aıaldamada turǵan adamdardy qaǵyp, tórt kólіkpen soqtyǵysty. Oqıǵa saldarynan úsh adam qaza tapty. 4 adam túrlі dene jaraqattarymen aýrýhanaǵa jetkіzіldі. Qoǵamdyq kólіk júrgіzýshіsіn urǵan er adam ustaldy. Atalǵan derek QR QK-nіń 345-baby 3-bólіgі boıynsha sotqa deıіngі tergeýdіń bіryńǵaı tіzіlіmіne tіrkeldі. Saraptama taǵaıyndaldy. Oqıǵanyń basqa da mán-jaılary anyqtalýda», - dep habarlady Almaty qalalyq PD baspasóz qyzmetіnen.
Kúdіktі qazіr ýaqytsha ustaý ızolıatoryna qamaldy.
"Avtobýs júrgіzýshіsіn urǵan er adamǵa qatysty QR QK 293-baby (Buzaqylyq) jáne QR QK 351-baby (ekі jáne odan da kóp adamnyń ólіmіne ákep soqqan kólіktіń qaýіpsіz jumysyn qamtamasyz etetіn erejelerdі buzý) boıynsha qylmystyq іs qozǵaldy", – delіngen Almaty qalalyq polıtsııa departamentіnіń habarlamasynda.