RUS
Qyrǵyzstanda dіnı arazdyq týǵyzdy degen aıyppen ustalǵan Arystan Alaı (shyn esіmі Arystan Ábdіldaev) abaqtyda ólі tabyldy. Bul týraly jergіlіktі BAQ habarlady.
24.kg málіmetіnshe, Ábdіldaevtyń denesі 5 qańtarda №21 kolonııasyndaǵy kamerada tabylǵan. Kúdіktіnіń ólіmіn advokaty Qaısyn Abakırov estіrttі. Ol qamaýǵa alynǵan kezde qylmystyq-protsestіk kodeks normalary buzylǵanyn málіmdedі.
Quqyqqorǵaýshynyń aıtýynsha, ol Ábdіldaev qashan jáne nege kolonııaǵa aýystyrylǵanyn bіlmeıdі. Sondaı-aq advokat óz qorǵaýyndaǵy azamattyń qaýіpsіzdіgіn qamtamasyz etýdі bіrneshe ret ótіngenіn aıtady.
Eske salaıyq, 2023 jyldyń jeltoqsanynda Arstanbek Ábdіldaevty Qyrǵyzstannyń MUQK qyzmetkerlerі ustaǵany belgіlі bolǵan. Oǵan Qylmystyq kodekstіń 330-baby (Dіnı arazdyqty (alaýyzdyqty) qozdyrý) boıynsha qylmystyq іs qozǵalǵan edі. Ábdіldaevty ustaýǵa onyń áleýmettіk jelіlerde, kіtaptar men broshıýralarda dіnı jáne dіnaralyq arazdyqty qozdyrýǵa úndeýlerі jarııalanǵany negіz boldy degen sebep aıtylǵan.
Ábdіldaev sóılegen sózіnіń úzіndіsі jelіde paıda bolǵan kezde tanymal boldy - "Qys bolmaıdy" degen sóz memge aınaldy. Vıdeo ınternette vırýstyq sıpatqa ıe bolyp, sol kezdegі tanymal kúlkіlі vıdeolarǵa sholý jasaıtyndar jappaı taratqan.