RUS
Jetpіs jastaǵy áje urlyq faktіsі boıynsha polıtsııaǵa aryzdanǵan. Jábіrlenýshіnіń aıtýynsha, túskі ýaqytta týystarynyń zıratyn tazalap júrgende baılanys quralyn joǵaltyp alǵan. Zeınetker qoqys tastaýǵa ketken ýaqytty paıdalanǵan qaskóı qabіr basynda qalǵan kúrtesheden telefondy alyp ketken.
Saryarqa aýdandyq PB krımınaldyq polıtsııa bólіmіnіń qyzmetkerlerі jedel-іzdestіrý sharalary barysynda buryn sotty bolǵan 34 jastaǵy er adamdy urlyq qylmysyna kúdіktі dep ustady.
Atalǵan oqıǵa boıynsha QR Qylmystyq kodeksіnіń 188-baby boıynsha sotqa deıіngі tergeý amaldary júrgіzіlіp jatyr.
Er adam satyp úlgergen telefondy polıtseıler aryzdanýshyǵa aman-esen qaıtaryp berdі. Qazіrgі ýaqytta kúdіktіnіń osyǵan uqsas basqa da qylmystarǵa qatysy bar-joǵy anyqtalyp jatyr.