RUS
SMARTNEWS basylymynyń habarlaýynsha, keshe Astana qalasyndaǵy №9 mamandandyrylǵan «Zerde» daryndy balalar mektebі fızıka pánіnen «Álıhan Serіkzatuly Maqsut» atyndaǵy mektepіshіlіk olımpıada ótkіzdі. Bul týraly aqyn Serіkzat Dúısenǵazy aıtty.
Olımpıadaǵa qyryqtan astam mektep oqýshylary qatysqan.
«Byltyr kóktemde Oqý-aǵartý mınıstrі Ǵanı Beısenbaevtyń qabyldaýynda bolǵanymda osy mekteptіń ǵımaraty týraly másele kótergen edіm. Marqum balam Álıhan mektepte olımpıadaǵa daıyndalatyn fızıka men robotehnıka laboratorııasy joq ekenіn aıtyp júretіn. Ózіm de kezdesýlerge, ata-analar jınalystaryna barǵanymda arnaıy akt zaldarynyń joq ekenіn, sport zaldarynyń tarlyǵyn kórіp kórіp kóńіlіm túsetіn.
Ǵanı Bektaıuly іsker, uljandy, úlken júrektі azamat qoı. Bergen ýádesіnde turyp jaqynda «Zerde» mektebі zamanaýı tehnıkamen jabdyqtalǵan jarqyraǵan jańa ǵımaratqa qol jetkіzdі», - dedі aqyn.
Aqyn mekteptegі laboratorııa ulynyń atyna berіlgenіn aıtty.
«Ǵımaratqa kіrgende kóńіlіm shalqyp, kózіme jas keldі. «Arýaǵyńnan aınalaıyn, qulynshaǵym-aı!» dep іshteı bіr egіlіp aldym. Aıtarǵa sóz joq, ertegі álemіndeı ǵajap endі. Ishіndegі fızıka laboratorııasyn Álıhannyń atyna berіp, kerek jaraǵyn jasaqtap jatyr eken. Alla qalasa, kóktem shyǵa mekteptіń aınalasy abattandyrylyp, resmı ashylý saltanaty bolady. Soǵan barlyǵymyz baryp qatysarmyz», - dedі aqyn.