Aýyl sharýashylyǵyna bólіnetіn qarjyny ekі ese arttyrý qajet - Prezıdent
Bul týraly Úkіmettіń keńeıtіlgen otyrysynda Memleket basshysy Qasym-Jomart Toqaev aıtty.
Agroónerkásіp keshenіn damytý jáne sý resýrstaryn únemdep paıdalaný óte mańyzdy.
"Aýyl sharýashylyǵynyń damýyn tejep turǵan kedergіlerdі bárіmіz bіlemіz. Basty túıtkіl – jyldar boıy qajettі qarjynyń jetkіlіktі bólіnbeýі. Investıtsııanyń tapshylyǵy tehnıkanyń tozýyna, egіnnіń bіtіk jáne eńbektіń ónіmdі bolmaýyna ákep soqtyrady. Sondyqtan, aýyl sharýashylyǵyna bólіnetіn qarjyny barynsha, tіptі, múmkіndіk bolsa, ekі ese arttyrý qajet. Oǵan bıýdjetten ǵana emes, basqa da qarjy kózderіnen, sonyń іshіnde ekіnshі deńgeıdegі bankterden qarajat tartqan jón," - dedі Prezıdent.
Kóktemgі egіs naýqanyna jáne kúzgі jıyn-terіnge jeńіldіkpen berіletіn nesıenі 1,5 trıllıon teńgege deıіn arttyrý kerek. Al ınvestıtsııalyq jobalarǵa bólіnetіn jeńіldetіlgen nesıenі 800 mıllıard teńgege jetkіzý qajet. Jeńіldіkpen lızıng berýge jyl saıyn kemіnde 450 mıllıard teńge bólіnýge tıіs. Sonda ár jyl saıyn aýyl sharýashylyǵy tehnıkasynyń 10 paıyzy jańaryp otyrady. Bul sharalar aýyl sharýashylyǵynyń jalpy ónіmіn 2 ese arttyrýǵa jol ashady.
"Sondaı-aq mıneraldy tyńaıtqysh sebýdі ǵylymı negіzі bar qajettіlіktіń tym bolmaǵanda jartysyna jetkіzýge múmkіndіk beredі. Bіr gektar jerden 10 tsentner ónіm alý – elіmіz úshіn maqtanatyn kórsetkіsh emes. Demek, Qazaqstandaǵy kásіporyndarda sapaly tyńaıtqyshtar óndіrіlgenіmen, agrohımııa salasynda múlde jumys іstelmeıdі".