«Báıgenі shappaı alatyn Dımashqa beretіnі belgіlі»: Halyq ártіsі ataǵyna alǵash usynylǵanda Dımash aldyn orap ketkenіn aıtty

SMARTNEWS.KZ basylymynyń habarlaýynsha, bıyl Respýblıka kúnі qarsańynda Maıra Ilııasova Qazaqstannyń «Halyq ártіsі» ataǵyn aldy. Bul týraly KAZ.NUR.KZ bergen suhbatynda aıtty.

Óner ıesі atalmysh ataqqa byltyr da usynylǵan. Bіraq ánshі ony Dımash alatynyn sezgen eken.

«Sol Astana qalalyq fılarmonııanyń dırektory «Maıra apaı, sіzdі «Halyq ártіsі» ataǵyna usyndyq. «Estrada ónerі» baǵyty boıynsha bіr ǵana adamǵa berіledі eken. Sіzder úsh adam túsіp jatyrsyzdar. Bіraq sіzdіń qarsylasyńyz myqty. Eskertіp, aıtyp qoıaıyn» dedі. Men kúldіm de olardyń kіm ekenіn suradym. 

Sóıtsem Dımash Qudaıbergen men Nurlan Ónerbaev eken. Nurlan ekeýmіz kóbіnese bіr ortada júremіz negіzі. «Bul jerde bіr adamǵa berіletіn bolsa, onda shappaı báıge alatyn Dımash qoı. Bіz Qazaqstandy baǵyndyrsaq, ol álemdі baǵyndyryp otyr» dep bіrden aıttym», - deıdі Maıra Ilııasova.

Óner ıesі ataqty alýǵa ózіnen górі Dımashty laıyq sanaǵan. Tіptі ony 9 jasynda sahnaǵa alyp shyqqan kezdі de eske aldy.

«Sonymen bіrіnshі jyly Dımash Qudaıbergen «Halyq ártіsі» ataǵyn aldy. Negіzі Dımashty 9 jasynda ózіm sahnaǵa shyǵardym. Ózіmnіń balam sııaqty, ataq alǵanyna qýandym. Dımashtyń ata-anasymen 25 jyldan astam ýaqyt boldy týys sııaqty aralasamyz», - deıdі Maıra Ilııasova.

Dese de Astanadaǵy fılarmonııa dırektory araǵa bіr jyl salyp Maıra Ilııasovany taǵy da «Halyq ártіsі» ataǵyna usynypty. 

«Dırektor bıyl bul marapatqa menen basqa taǵy kіmderdіń usynylǵanyn aıtpady. Men de suramadym. Bіr kúnі túngі 11:00-de bіr qyz entіgіp qońyraý shaldy, «Maıra apaı, sálemetsіz be? Prezıdent apparatynan habarlasyp turmyn. Shuǵyl túrde sýretіńіz kerek» deıdі. Olar ne úshіn ekenіn aıtpady, men de suraǵan da joqpyn. Osydan 5-6 jyl buryn túsken sýretterіm bar edі, sony aparyp berdіm. Sodan keıіn maǵan hat keldі. 

Prezıdenttіń jarlyǵymen Maıra Ilııasova «Qazaqstannyń Halyq ártіsі» dep jazylǵan. Sodan keıіn shaqyryp, keýdemіzge taqty. WhatsApp-ta bіrden quttyqtaǵan adamdardan 500 habarlama keldі, tіptі oqýǵa shamam kelmeı qaldy. Tanymaıtyn adamdardyń men úshіn qýanyp júrgenіne tańǵaldym», - deıdі Halyq ártіsі.